主題:Apple iPhone 5s 新功能試玩!版主點評 Touch ID!

ePrice HK
  1  2  >>  最終頁
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2013-09-20 18:01 收錄檢舉
    相信唔少網友都同意,手機是買嚟用而唔係買黎炒的!雖然 iPhone 5s 的炒風激烈(只限金色),但最應該被關注的都是實用方面的功能吧!幾日前版主同大家分享過一些外國媒體對 iPhone 5s 上 Touch ID 指紋認證的點評,今日終於到我親手試這個功能了!初步感受麻,就和第一代的 Siri 差不多吧 ,蘋果真係要多多加油了icon

    Apple iPhone 5s 新功能試玩!版主點評 Touch ID!
     

    使用初感受:指紋登錄簡單 辨認準確度高

    今日版主新機入手,第一件事當然係玩玩重點功能 Touch ID 指紋認證功能啦!在 iPhone 5s 上面登錄指紋之前要先設定 4 個字的密碼,而方法正如外國評測所言,的確是相當簡單方便的,只要在指紋感應器上面印七、八次它就記住了你的指紋的中心部份,然後再利用手指邊沿印七、八次就會記住完整的指紋。實際用起來辨識到相當高,版主登綠指紋後找了身邊幾個人去嘗試破解,都沒有一個人能成功(差點還被強制鎖機了icon),可見安全性是做得不錯的。(是否如外國網站所言是 1/50000 的機率就不得而知了)

    根據外國評測所說,指紋鎖解的優點就是比起輸入密碼方便,版主就沒有這個感覺了。畢竟從手指按下去到辨認指紋需要大約 1~2 秒,而輸入密碼大概都是 2~3 秒間的事情(當然是簡單的四字密碼),其實差別不會太遠。不過 Touch ID 指紋感應器可以 360 度認指紋,無論如何持機都可以用直覺的方式解鎖,加上啟動了指紋鎖解也同時用到密碼解鎖,可以當作一個額外的功能吧。(順帶一提,當指紋認證失敗三、四次之後就會自動跳入密碼解鎖,所以不用擔心指紋入唔到的時侯會開唔到機,但記密碼還是必須的icon

    Apple iPhone 5s 新功能試玩!版主點評 Touch ID!
    ▲ Touch ID 的優點是無論如何持機都可以簡單解鎖,比較常用的是拇指和食指

    Apple iPhone 5s 新功能試玩!版主點評 Touch ID! Apple iPhone 5s 新功能試玩!版主點評 Touch ID!
    ▲ 在設定指紋之前必須要設定的一組密碼,而最多可以紀錄五組指紋,亦可以分別設定是否用於解鎖或 iTune Store

    Apple iPhone 5s 新功能試玩!版主點評 Touch ID! Apple iPhone 5s 新功能試玩!版主點評 Touch ID! Apple iPhone 5s 新功能試玩!版主點評 Touch ID!
     ▲ 把手指輕輕印在感應器上面(不要按下去) 重覆七八次就可以記下指紋了

    Apple iPhone 5s 新功能試玩!版主點評 Touch ID!
    ▲當失敗了幾次之後, iPhone 5s 就會自動跳進密碼解鎖,大家不要忘記密碼啊!
     

    指紋解鎖不算實用 需要擴展應用範圍

    之前的文章都提過,暫時 Touch ID 功能只用於指紋解鎖和 iTune Store/ App Store 購買之用,泛用性不高,相當需要第三方軟件的支援去擴充應用範圍。版主實際玩了兩個小時之後深深感受到這一點,而且覺得 Apple 仍然未想到如何去擴展這個功能。比如說機內的一些權限、設定都需要用密碼去解鎖而不能用 Touch ID,而如果 1 個小時左右沒在 iTune Store / App Store 下載程式,再次下載的時侯仍然要用密碼登入而不是用 Touch ID ,完全沒有變得更方便了,不禁令我回想 Siri 初推出時侯的情況啊icon

    Apple iPhone 5s 新功能試玩!版主點評 Touch ID!   Apple iPhone 5s 新功能試玩!版主點評 Touch ID! Apple iPhone 5s 新功能試玩!版主點評 Touch ID!
    ▲ 如果大半個小時沒有使用 Apps Store ,再次下載程式的時侯仍然要登入,有冇變得更方便?版主覺得完全冇囉!

    睇圖點都唔夠睇片咁易明架啦,大家都係參考番版主 Eddie 的 Hands-on 試玩吧:



    接下兩來日版主們會同大家試盡 iPhone 5s 的各項功能,大家又最想看哪一樣呢?留言講講意見吧,也請為努力中的版主們打打氣啊icon

    iPhone 5s 評測系列:
    Apple iPhone 5s 新功能試玩!版主點評 Touch ID!
    iPhone 5s / 5c 多圖開箱報告 Hands-on!
    超速連拍 999 張! iPhone 5s vs iPhone 5 實拍比拼
    看完了版主的試玩,大家覺得 iPhone 5s 的 Touch ID 指紋認證功能有用嗎?又期待它未來的發展嗎? 投票時間:2013-09-20 ~ 2013-09-29 完全不實用!只是推新機的噱頭吧! 31 現時還是雞肋,經過一段時間就會成熟了,相當期待! 84 其實有冇呢個功能我都唔用架啦,晒氣! 23

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Apple iPhone 5s 16GB
    • 現時售價: 已下市
    • 尺寸: 123.8 x 58.6 x 7.6 mm / 112 g
    • 電池: 1570 mAh
    • 插卡:
    • 螢幕: 1136 x 640、 4 吋 IPS TFT
    • 相機: 800 萬像素CMOS
    • 顏色: 白/黑/金
    • 時間: 通話 600 分鐘 / 待機 250 小時
    • 上市: 2013-09-20
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2013-09-21 00:25 檢舉
    Eddie Chan說:
    相信唔少網友都同意,手機是買嚟用而唔係買黎炒的!雖然 iPhone 5s 的炒風... 恕刪

    iconiconicon我從事三行工作....手指都花哂....


    呢個功能即係廢,....
    02樓 ▲TOP 回列表頁
  • 發表時間:2013-09-21 01:21 檢舉
    相信Apple係著重安全嘅公司,反觀其他手機公司有真正開發保護用戶嘅資料嗎?版主講連入一個密碼去保護自己都覺得煩,而Touch ID就係為咗你地而設,下載apps入密碼係為咗保護你地,我又想問下現在有邊款手機硬件能提供到一樣用途?
    03樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2013-09-21 01:54 檢舉
    ye91說:
    相信Apple係著重安全嘅公司,反觀其他手機公司有真正開發保護用戶嘅資料嗎?版主... 恕刪

    真正好的鎖,一套便夠了。除非大家都認同,英文字密碼係唔可信,一定要靠指紋。icon
    04樓 ▲TOP 回列表頁
  • 發表時間:2013-09-21 03:06 檢舉
    ye91說:
    相信Apple係著重安全嘅公司,反觀其他手機公司有真正開發保護用戶嘅資料嗎?版主... 恕刪
    版主 Keith 係連屏幕鎖都唔會用。

    我比較期望是一些 apps 配合指紋認証,多過只係解鎖及用係 App store 到。例如,一些 lock 死私家相片的 Apps,例如,用在 Dropbox 之上。

    有網友問,做乜唔試清楚少少,例如,怎樣用會失敗,怎至有網友好嚴重地叫版主試下弄傷,或假裝弄傷手指又如何?最好花時間在技術層面再研究及分享。

    我直接覺得,Apple 今次的 Idea 不是不好,正如 Siri 一樣,是可以好有用。但就係呢一刻,無乜用。

    無乜大用,花時間去深究,是不值得。尤其版主得三個,網友想知關於其他 iPhone 5s 的東西有更多。

    記得第一次出 Siri 我們也測很多,因為沒太用的 Siri 其實是一個很好笑的,會說話機械人。

    有網站用貓去試指紋解鎖,我覺得很有趣。但難度我們找一條狗,去再試嗎?關於指紋認證,我跟 Eddie 再想想有什麼可以再試,但初步我覺得,只有這兩個用途下:解鎖,上 App store  買 Apps,今次的測試深度,已好合識了。

    時間有限,不如試更多網友更想知,關於 iPhone 5s 的東西,便忘了還有 5c,Note 3, Z1.... 等等等。
    多謝支持 ePrice.HK
    05樓 ▲TOP 回列表頁
  • 發表時間:2013-09-21 09:48 檢舉
    唔知係我錯覺定係什麼原因,總覺得版主對一些品牌就好點,說多一點好話,有些就不用多說了。NFC係google主理的,所以Apple就不加入此功能。現在地球村嘅大家都對網上保安要求多咗,新嘅保安方案不斷增加,如果大家都仲係原地踏步,其實又需要不斷追求科技嗎?用回N8210已足夠了。
    06樓 ▲TOP 回列表頁
  • 發表時間:2013-09-21 10:36 檢舉
    ye91說:
    唔知係我錯覺定係什麼原因,總覺得版主對一些品牌就好點,說多一點好話,有些就不用多... 恕刪

    版主們從來對某些手機有偏好,我一向寫手機都係用「愛機 HTC One」來形容,連 Sony 香港一姐都知。坦坦白白的。我對 HTC 批評,係可以好嚴厲,別忘了 Butterfly 事件。

    ePrice 的評測,會以客觀的方法,切合網友的要求去試,但從來不會「扮」中立,版主的個人感受,係好重要。我們比你試機試得多,這些感受,都係來自試了不同手機得出來。

    我對 Apple 有偏見的話,請你看看我昨天寫的 iPhone 5s 相機評測,我係讚不絕口的

    保安不是不重要,我在上面寫了,我期望係 私相 Apps +指模lock,dropbox 開關 + 指模 lock 更多應用。

    指模 unlock 手機係好開始,appstore 唔駛入密碼係方便,但版主 Eddie 想講,apple 加陣在 Appstore 用指紋認証,係做唔到保安與方便也配合得到,係未完善。

    呢一刻,唔夠應用係事實。就好似 NFC 咁,出了幾年,才慢慢有多一點實際應用。

    若朋友問我:因為指紋認證買 iPhone 5s? 我會答,不如想下 iPhone 5s 相機好玩好多。

    我同意有d 用家,可能視保安為好大需求,甚至一 D 公司,覺得指紋認證 unlock 部機,好有用。但我相信, 大部份用家,都呢一刻,都唔會 Care。

    P.S. 今天起,我用不到愛機 HTC One,理由太多。。。反正我都是有好手機用就是了。至少我覺得 IOS7 不錯,iPhone 5 會用多一點 (不是 iPhone 5s 因為估計,今年被人收回手機的機會很高 iconiconicon )
    多謝支持 ePrice.HK
    07樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2013-09-21 11:56 檢舉
    ye91說:
    唔知係我錯覺定係什麼原因,總覺得版主對一些品牌就好點,說多一點好話,有些就不用多... 恕刪

    我可以同你講,當我有機會試不同手機的時侯,跟得我最耐的手機不是 Android ,而是我一直都有用的 iPhone 5!點解我一直都唔放棄佢?就係貪佢相機夠直覺。但點解佢唔係我常用的主機?因為速成選字實在太慢,如果用黎回覆 Line、 Whatsapp 的話實在太煩了。

    講真,我尋晚都同朋友傾左好耐,我始終認為好用的鎖一把就好了,唔需要係自己大門加 2 ~ 3 把鎖,如果 Touch ID 唔係用黎取代舊有的密碼,而是在上面加多一把鎖?用起來覺得麻煩是正常吧。再者,指紋解鎖就不會被破解?外國網站 CNET 都指出 Touch ID 是未被破解而已…icon

    如果說 NFC 由 Google 主理, Apple 不加入此功能是合理;那麼我說 Touch ID 是由 Apple 主理的,Android 機就不加入此功能云云…講落去睇怕都要天荒地老。首先唔睇佢加唔加入呢個功能既原因先,而係佢應唔應該著手去加入呢個功能,如果真係實用的,與現實生活配合到的,才是「追求」新科技的原則吧icon

     
    08樓 ▲TOP 回列表頁
  • 發表時間:2013-09-21 20:08 檢舉
    ye91說:
    唔知係我錯覺定係什麼原因,總覺得版主對一些品牌就好點,說多一點好話,有些就不用多... 恕刪

    生果有本事咪玩瞳孔識別???又未夠班???唔係個個工作都係文職,個個人對手指紋唔會花???
    09樓 ▲TOP 回列表頁
  • 發表時間:2013-09-22 16:26 檢舉
    聽講隻手損左都用得!
    到時用瞳孔的話又會比某日報話會比人挖眼架LA
    10樓 ▲TOP 回列表頁
  1  2  >>  最終頁