主題:效能跑贏 S820 + 6 吋大芒 !華為 Mate 8 價錢吸引嗎?

ePrice HK
  • 發表時間:2015-11-26 15:49 收錄檢舉
    來到年尾所有旗艦機都出得七七八八,但係對於華為來講,呢個先係佢哋發力的好機會。之前已經同大家提過規格上不會比大廠旗艦遜色的華為 Mate 8 即將到來。想知呢部華為旗艦同 Samsung 、 LG 、 HTC 、 Sony 等大廠旗艦相比是否更勝一籌?咁就要睇下文啦!

    效能贏 S820 + 6 吋大芒 三軸防手震!華為 Mate 8 賣價吸引?
     

    6 吋大芒金屬機身,有 2.5D 玻璃超窄邊框

    有關華為 Mate 8 的事前爆料其實之前都有好多,好似宣傳照版主阿坤都有同大家分享過,不過完整的規格資料都係要到今次發佈會先知道。作為華為年底壓軸登場的旗艦,可以話 Mate 8 係一部集大成的手機,之前華為旗艦有的賣點 Mate 8 都有,而且規格更提升了。

    係外型上,正如大家之前見到的實機圖, Mate 8 係設計上係沿用左 Mate 7 的特色,係機背上用左金屬材質,而且指紋掃描器亦係相機鏡頭的下方。係外型上除左強度提升左 21% 之外,係邊框上都用左用左鑽石切割,華為更加強調機背用左「零公差」設計,即係在機背同邊框都不會見到有「天線位」。另外,華為 Mate 8 支援 VoLTE ,以及雙卡雙待(更正:華為的雙卡設計為「雙卡盲插」,「雙卡雙通」,以及「副卡支持 CDMA /GSM」 ),但用左 SD 卡跟 SIM 卡共用設計。

    而係屏幕方面, Mate 系列一向都係主打大芒, Mate 8 當然都有 6 吋大芒兼且有 2K 解像度,色域飽和度提升至 95% (華為提到 Mate 7 跟 iPhone 6s Plus 只有 71%)。以 6 吋大芒機來講,不少朋友都會覺得因為太大部所以難操控。還好, Mate 8 用左超窄邊框設計,其邊框只有 2.7mm ,華為強調比起 Mate 7 還是 iPhone 6s Plus 都要薄。而且用左強度比起以往提升左 1.7 倍的 2.5D 玻璃,呢兩點應該都滿足到愛大芒用戶的需要。

    效能贏 S820 + 6 吋大芒 三軸防手震!華為 Mate 8 賣價吸引?
    ▲華為係高端機上沿用金屬機身設計, MAte 8 都不例外。

    效能贏 S820 + 6 吋大芒 三軸防手震!華為 Mate 8 賣價吸引?
    ▲係屏幕方面 2.5D 玻璃以及超窄邊框是重點。


    CPU / GPU 效能全面提升, Mate 8 用上 Kirin 950 處理器

    處型器可能係 Mate 8 最重要的一環。華為慣於使用自家製的 Kirin 處理器,可惜現時在華為旗艦上所使用的 Kirin 935 在效能上跟 Qaulcomm S810 等主港旗艦處理器都有一點距離。不過,今次 Mate 8 用上左華為新一代的 Kirin 950 。 Kirin 950 特點在於製程上為台積電生產的 16nm  FinFET 製程,其八核心就用上「全球首發的  ARM Cortex A72 架構」。華為提到係 CPU 效能上 Kirin 950 比上代提升了 100% 而 GPU 效能亦加強了 120% 。

    整體規格來講, Mate 8 有四個版本,全都用上了 Kirin 950 ,分別為 3GB RAM 配 32G 內置容量的標準版, 4GB RAM 配 64GB 內置容量的高配版,以及 4GB RAM 以及 128GB 內置容量的臻享版。

    效能贏 S820 + 6 吋大芒 三軸防手震!華為 Mate 8 賣價吸引?
    ▲ 改用左 Kirin 之後,華為提到其 CPU 效能更勝於 Samsung 的 Exynos 7420。
     

    用上 Sony 全新 IMX 298 相機模組,加入三軸光學防手震

    係相機方面,現時不少旗艦都加入左更新的 OIS 防手震(好似係 Note 5 、 V10),而 Mate 8 都加入左三軸光學防手震模組。同時係對焦方面華為強調 Mate 8 用左「三合一對焦」,分別係 PDAF 相位式對焦、 對比式對焦以及其多場照智能對焦。另外值得留意為其 1600 萬像素相機主鏡頭係用左 Sony IMX 298 相機模組,感光面積增加 23% 。係前鏡方面就用左 800 萬像素相機。

    電池向來係 Mate 系列的強項,今次 Mate 8 都唔例外,一樣有 4000mAh 電量而且加入左令後台省電 50% 的 Modem 處理。華為提到 Mate 8 的續航力表現再有提升,可以用到 2.36 日,即使係重度使用的情況下都可以用到 1.65 日。而係指紋掃描方面都提升到 3.0 ,華為提到其識別速度會比以往提升一倍,同時誤拒率會降低一半,但對大家來講更重要相信都是支援 NFC 吧!係軟件方面, Mate 8 用左以 Android 6.0 為基礎的 EMUI 4.0 。

    效能贏 S820 + 6 吋大芒 三軸防手震!華為 Mate 8 賣價吸引?
    ▲相機方面都係 Mate 8 重點之一,除左用左新的 Sony IMX 298 相機模組,係對焦同防手震能力上都有提升。

    最後價錢方面, Mate 8 最便宜係 2999 人仔,不過呢個係電訊商定制版。如果要全網通的 3GB RAM 版本就要 3199 人仔(約 $3889 HKD)。而 4GB RAM 64GB ROM 版本價錢為 3699 人仔(約 $4486 HKD),最高階的 4GB RAM 128GB ROM 價錢為 4399 人仔(約為 $5335 HKD)。唔知大家又點睇呢?

    效能贏 S820 + 6 吋大芒 三軸防手震!華為 Mate 8 賣價吸引?
    ▲價錢方面最貴的 128GB 版係 4399 ,最便宜的電訊商定制版就係 2999 。

    在文章刊登時,Huawei Mate 8 香港開賣日期未定,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 華為 Mate 8 (標準版)
    • 現時售價: 已下市
    • 尺寸: 157.1 × 80.6 × 7.9 mm / 185 g
    • 電池: 4000 mAh
    • 插卡: microSD
    • 螢幕: 1920 x 1080、 6 吋 IPS TFT
    • 相機: 1600 萬像素CMOS
    • 顏色: 銀 / 灰
    • 時間: 通話 1680 分鐘 / 待機 528 小時
    • 上市: 2016-01-28
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2015-11-26 16:48 檢舉
    請問「三軸光學防『水』震」係咩嚟?

    實機係咪真係咁幼邊先?
    02樓 ▲TOP 回列表頁
  • 發表時間:2015-11-27 09:58 檢舉
    內文邊到講贏s820? 我搵唔到既
    03樓 ▲TOP 回列表頁