9 個港鐵站網速測試!csl 「5G 黃金頻譜」3.3GHz、3.5GHz 實際應用有幾快?
都市人平時返工都好大壓力,有時候收工搭地鐵,都會想上網、睇片、碌Facebook/IG/Threads輕鬆一下,但以往好多時候搭地鐵,成日都會Load空氣,搞到個人本身已經壓力大,見到呢個情況就更加燥底。而csl早前就已在9個地鐵站加設了「5G黃金頻譜」,其中包括了3.3GHz以及3.5GHz,最近更加設銅鑼灣、中環以及北角站。到底啟用咗呢兩個頻譜有乜好處,而實際上網速度表現又如何呢?小編就走遍呢9個地鐵站,同大家實測一下。