![fb.jpg fb.jpg](http://timgm.eprice.com.hk/hk/pad/img/2018-07/30/68521/keithyim_1_23b175687ac0804491f96ebefa6a9bb6.jpg)
什麼是 Android Go
Android Go 是 Google 發佈的手機作業系統,也可以說是簡化版本的 Android 8。出呢個系統原因,是針對一 D 買唔起高規格手機嘅用家,也可以用到一部行得順的 Android 智能手機。低規格到什麼地步,512MB RAM 都可以。但真正推出的 Android Go 手機,大約都是 1GB RAM + 8GB ROM 再加可以插 microSD 卡呢個配合。原來,Android Go 不單是手機,不板電腦也可以。![DSC_0204.jpg DSC_0204.jpg](http://timgm.eprice.com.hk/hk/pad/img/2018-07/30/68521/keithyim_3_11039bbd7561a05dc002c98beeeac98c.jpg)
▲ Alcatel 1T 7 WiFi 有呢幾項嘅 Google Service App。
首部 Android Go 平板電腦
Alcatel 將呢部 1T 7 WiFi 定位為兒童平板,因為跟機裝了兒童模式,我稍後先講解。因為大家相信對 Android Go 比較有興趣。其實,之前 ePrice 版主阿坤都介紹咗好多,大家可以 Click 呢到温習一下。我就想講講開箱經驗。Alcatel 嘅手機,我都玩幾多,但問心,佢地 UI 其實整得麻麻,就算貼近 AOSP 都係好慢,而佢地又好鐘意 Preload 好多無乜用嘅 App。而呢部 1T 7 WiFi 只有少量客製化,見到解鎖版面,同埋有一個兒童模式。而跟機嘅 Google Services 都唔多,包括 Gmail Go, Google Map Go, Calendar, Google Assitant (暫不支援廣東話), Files Go, Chrome, youtube 及 Google Go, Play Music 及 相簿。而 Android Go 都用到 Google Play Store 去安裝 App。文書機測試
咁得 1GB RAM 又夠唔夠用?我先用文書機嘅方向去講一講。文書機最重要是打字,Andriod Go 出廠已用 Gboard,係 beta 裡面已可以用到香港人嘅常用嘅倉頡、速成、廣東拼音都有齊,而最新版本已推應外加的鍵盤。七吋平板,其實將佢打直,雙手打字感覺係幾唔錯。而呢部 Alcatel 1T 7 仲要唔重,250 克左右,我係巴士打稿,都感覺輕鬆。雖然話 1GB RAM,但我都係 Gmail 裡面,順利開啟到幾多頁圖文嘅 Word、Excel 跟 PDF 檔案,並用 Microsoft Word、Excel 等開啟。由於佢係細過十吋嘅平板,所以你係用到大部份 Word 同 Excel 嘅功能,唔駛俾錢。而因為 ePrice 工作需要,版主都會用簡單但好有用嘅圖像 App 去整圖加字 (見 Link 下載),都用得到。
不過,版主發現,Android Go 得 1GB RAM,係唔可以同時開咁多 App,有些 App 會係背景被 Kill。同樣 Chrome 瀏覽器雖然可以俾你開好多 Tab 觀看不同網站,但其實很多時返入去會重新 reload 一次,若你要做一些 Online Application 要留意了。
![DSC_0203.jpg DSC_0203.jpg](http://timgm.eprice.com.hk/hk/pad/img/2018-07/30/68521/keithyim_3_69e665d91ee83e3f2bcfc8097eaf6bd5.jpg)
▲ 七吋屏幕。
![DSC_0205.JPG DSC_0205.JPG](http://timgm.eprice.com.hk/hk/pad/img/2018-07/30/68521/keithyim_3_42821b7e8884c870fd7225b2461e8f3d.jpg)
▲ 入門級材質,兒童適宜因為上手感似玩具。
![DSC_0209.jpg DSC_0209.jpg](http://timgm.eprice.com.hk/hk/pad/img/2018-07/30/68521/keithyim_3_26191e163156ef94be6c65b7da32e6bc.jpg)
▲ 支援插記憶卡。
![DSC_0213.jpg DSC_0213.jpg](http://timgm.eprice.com.hk/hk/pad/img/2018-07/30/68521/keithyim_3_91a74e83f12c07ad278d1222cde08336.jpg)
▲ 配上版主常用的 Microsoft Keyboard,變成桌機模式。
![DSC_0217.jpg DSC_0217.jpg](http://timgm.eprice.com.hk/hk/pad/img/2018-07/30/68521/keithyim_3_98d497f0fe077ae5a04a7ed18fa377c2.jpg)
▲ 可開啟及修改 Microsoft Office 文件。
![DSC_0224.jpg DSC_0224.jpg](http://timgm.eprice.com.hk/hk/pad/img/2018-07/30/68521/keithyim_3_0028e3977e717843627f1c97547f196c.jpg)
▲ 上面 Alcatel 1T 7 WiFi,下面是版主用開當平板電腦的小米 Max 第一吋,上者 7 吋,下面 6.44 吋屏幕。
![DSCPDC_0003_BURST20180730180322191_COVER.jpg DSCPDC_0003_BURST20180730180322191_COVER.jpg](http://timgm.eprice.com.hk/hk/pad/img/2018-07/30/68521/keithyim_3_c776b8b112a10d7cc5de8927ddb39dcf.jpg)
▲ 有 3.5mm 耳機插孔。
![a03.jpg a03.jpg](http://timgm.eprice.com.hk/hk/pad/img/2018-07/30/68521/keithyim_5_b70b14fb20c0f106e003d414da02c1bd.jpg)
▲ 使用 Android Go 介面。
![a02.jpg a02.jpg](http://timgm.eprice.com.hk/hk/pad/img/2018-07/30/68521/keithyim_5_244cefdfdea4a71af34526b2d9ccfe6d.jpg)
▲ Android 8.1 (Go Edition)
![a05.jpg a05.jpg](http://timgm.eprice.com.hk/hk/pad/img/2018-07/30/68521/keithyim_5_36229c0aa361e5bee700d6145bdefd76.jpg)
▲ Android 8.1 (Go Edition) 大約只有 3GB 左右,比起其他 Android 版本,都細好多。
![a04.jpg a04.jpg](http://timgm.eprice.com.hk/hk/pad/img/2018-07/30/68521/keithyim_5_91557af555c9f2e200b603c8dea101cf.jpg)
▲ AnTuTu 跑分,連二萬都無。
![Screenshot_20180724-165248.png Screenshot_20180724-165248.png](http://timgm.eprice.com.hk/hk/pad/img/2018-07/30/68521/keithyim_3_39b479c6f428a4890099b5e4dec8d3d9.png)
▲ 內置兒童模式,可鎖定小朋友用邊一款 App,去邊個網站,用App 嘅時間。
![Screenshot_20180724-165255.png Screenshot_20180724-165255.png](http://timgm.eprice.com.hk/hk/pad/img/2018-07/30/68521/keithyim_3_39d1f03d80f499d076d72d739c8c8185.png)
▲ Lock 咗嘅 App 小朋友就用唔到了。
![Screenshot_20180724-165316.png Screenshot_20180724-165316.png](http://timgm.eprice.com.hk/hk/pad/img/2018-07/30/68521/keithyim_3_2878e50a9537b570448aaa53e4f065ba.png)
▲ 例如,我 Set 了小朋友只能用計算機,日曆及相簿三個 App.y
![Screenshot_20180730-194603.png Screenshot_20180730-194603.png](http://timgm.eprice.com.hk/hk/pad/img/2018-07/30/68521/keithyim_3_ca760942eb4efcab9c11c120e72a5bfc.png)
▲ Alcatel 1T 7 WiFi 是真平板電腦 Mode,開 Chromebook 見到 Tab 的操作就知道了。
![Screenshot_20180730-195059.png Screenshot_20180730-195059.png](http://timgm.eprice.com.hk/hk/pad/img/2018-07/30/68521/keithyim_3_f96b149838893a1a7ed8929cdefecab7.png)
▲ 用開的 Photo Editor 亦開啟得到。
![Screenshot_20180730-195200.png Screenshot_20180730-195200.png](http://timgm.eprice.com.hk/hk/pad/img/2018-07/30/68521/keithyim_3_ac1335c4e3c42436e5cc2e48714520a3.png)
▲ 用 Word 更改文件亦無問題
最後,版主會點睇呢部 Android Go 平板?
001:對比其他 1GB RAM 嘅低檔手機、平板,Android 8 Oreo 之下嘅 Android Go 表現唔錯。不要期望部機好似 Qualcomm 6 系嘅機咁快,但至少唔會慢到停晒個隻,比起我部幾年前嘅 2GB RAM Chormebook 更加 responsive。002:但 Alcatel 為呢部 1T 7 WiFi 配備嘅屏幕,實在太 Cheap,畫面偏藍 (雖然可透過裡面嘅 MiraVision 調教)但望落去都唔係好清楚咁,將呢部機好用度,大打折扣。
003:亦基於呢個原因,佢本來賣點,內置兒童模式,實在會攪壞細路仔雙眼,大人用比較好。
004:九百蚊一部七吋 Android 平板?抵唔抵?我 Check 過,以大品牌來講,市面上應該有部三星及 Lenovo 七吋 WiFi 平板有貨,不過,屏幕質素唔會好得太多。而 RAM ROM 都係跟呢部 Alcatel 差不多。而 Alcatel 1T7 WiFi 嘅 Android Go 系統,變為最新嘅系統 (嗰兩部仲係 Android 5!),而 Android Go 的確為咁低嘅規格,帶來相對穩定速度。
結語:若果太窮,又想有部 Android 平板上下網,打下字,呢部 Alcatel 1T 7 WiFi 其實還可以,但不要太大期望就好。
Alcatel 1T 7 WiFi 在文章刊登時,售價為 HK$999,按這裡有更詳細嘅介紹及最新賣價。