▲ Network III 係 3 香港嘅 MVNO 網絡商。呢張 4G 儲值卡係新出品，面值 $200，深水埗一帶賣價 $180。
Network III 又出擊 ＄180 中伏價
今次推出無限 4G 網絡上網，唔係 3HK 本身，而係副品牌嘅 Network III。你可以當類似 Sun Mobile 嘅 MVNO 網絡商，但寫到明係 Powered by 3，即係用番 3 香港嘅網絡務。裡面說明書都跟 3 香港自家嘅儲值卡無分別。Network III 嘅儲值卡，之前版主都介紹過，不過只係用到 3G 網絡，做到 $115 3G 42Mbps 無限上網。今次 Network III 推出 4G 儲值咭，大大隻字有 4G 嘅字，好難認唔到。面價 $200，深水埗桂林街 SIM 檔一律 $180。呢張卡最大亮點係有一個 $188 / 30 日無限上網計劃。根據說明，係有 42Mbps 速度，並有 3GB 公平使用條款。不過，佢地公平條款寫得比較攪鬼，係「當你使用儲值咭下載、傳送或上載檔案過大、數量過多的數據，或過度頻密地下載、傳送或上載數據而為其他使用者帶來不便，3 香港將限制你的儲值咭的數據傳輸速度至不低於128kbps。」記得之前版主 Keith 試用上面講個張 Network III 3G 儲值卡，都係用呢個公平條款，過左 5GB 都無限速。不過，版主用左一日呢張 4G 儲值卡 ，狂 Chur 用過 3GB 用量。。。結果，收到 SMS 提示，即時限速至 5 月 3 日。版主再試，立即打入 128kbps 無間速度地獄。簡單來說，卡價 $180，你只能在 30 日內，透過 4G LTE 網絡，用到最高 42Mbps 速度 上網，上限 3GB 用量。3GB 用量後，你仲可以繼續透過 4G 上網，但速度只會大約係 128kbps 左右。(版主 Keith 改係 2015 年底，改為 5GB)
呢張卡，唔係俾有無限上網需要嘅網友，最主要原因係 SIM 檔折扣唔算大，面值 ＄200，賣價只係減廿蚊，即係 $180 做到 3GB 一個月 4G 上網。速度雖然限左 42Mbps，但係 3HK 都未有什麼 Cat 6，去到 42Mbps 速度好勁了。$180 得 3GB 用量，之後限速 128kbps，真係跟唔比你上網無大分別。事實上，Sun Mobile 計埋行政費都係 $196 3GB 4G 42Mbps 速度上網，但有 3000 分鐘通話時間。Network III 呢張卡只係唔駛上台呢個優點囉。
不過，呢張都唔係一無是處，事關低用量嘅計劃反而幾抵：$48 包 1GB 30 日用量、$78 包 2GB 30 日用量，呢兩個 Plan 都係行 4G LTE 42Mbps 速度，只要你無另外開按用量計劃，用爆就會停 Data，唔拍收多錢。4G LTE 網絡 42Mbps 速度或以上來說，無論上台定儲值卡，都無呢個咁平嘅低用收費。此外，呢張卡用到 3 香港嘅 SuperTalk 服務，即係 VoIP 話音服務，$8 一日，或 $58 三十日，方便用番儲值卡電話號碼，很外國用 Apps 透過數據或 WiFi 網絡，打番香港。
▲ 採用 Mini / Micro / Nano 三合一 SIM 卡，適合新款嘅 iPhone 及 Android 手機。
▲ 呢張卡一開卡就要扣你 HK$2.5 行政費，之後月月要交，但比起上台的行政費 $18 已平好多。
▲ 版主多次測速，最快去到 32Mbps下載速度。
▲ 版主以一部支援 4G LTE 上網嘅平板作測試，一日內透過網絡分享，給幾部手機及 MacBook Air 上網，唔駛一日，用爆了 3GB 用量。結果在用多約 400 MB 情況下，收到限速 SMS 通知，即時生效！之後上網速即跌至 128kbps 或以下。
▲ 放大即睇呢張卡嘅收費及資料。
4G 無限上網推介
話呢張卡唔算好抵，主要因為 Network III 3G 卡，其實都提速至最快 42Mbps，版主試過，大約你預由 2Mb - 10Mbps 速度都有，當然 4G 會係 11Mbps 左右或更快，穩定 D。Network III 3G 卡無 5GB FUP，首三個月更送 1200 分鐘通話兼有免費 WiFi ，之前版主介紹過，大約 $115 3G 網絡 無限上網，更加便宜。以下就介紹所餘無幾嘅 4G LTE 無限上網儲值卡選擇。
▲ 第 N 次介紹，深水埗 $160 One2Free 神卡。簡單來說，一張用到 28 日，4G LTE 7.2Mbps 無限上網。但呢張卡，會係六月左右，正式玩完。Click 呢篇文就知呢張卡呢身世。
▲ 呢張 $78 One2Free SIM 卡。$78 開卡剛剛好申請到七日無限上網。深水埗桂林街卡價大約 $45 一張，買 4 張七日換一張，圍埋 $180 有 28 日無限上網。不過，$78 面值卡賣少見少。現在比較多貨係 $88 面值，一張去到 $55 左右，圍起 28 日價會更貴! Click 呢篇文就知點樣透過增值，慳多一點。
▲ 都係賣少見少嘅中國移動香港 30 日體驗卡，面值 $500 其實深水埗桂林街都係賣 $150 蚊左右。5GB 用量後，立即限速至 128kbps (其實約 384kbps 左右) ，仲有 1800 本地通話分鐘。呢張仲要係無限速，收得好 100Mbps 速度不是沒希望，只係比較難咁囉。
2015 年 7 月 5 日更新：3 香港六月份更改了 FUP 公平使用條款，無限上網已改為每月 5GB，用爆限速 128kbps。詳情請按此。
ePrice.HK 儲值卡分享與報導
1) 4G 限速，3G 提速! $115 42Mbps 速度 無限上網
2) $58 / 1.8GB 用半年! 7-11 本地八達通儲值通話卡 平價上網
3) $50 4G LTE 無限一個月任用! 瘋狂試玩 CMHK 4G LiTE
4) $20 玩 30 日無限 Data＋ WiFi ！版主教路買平價儲值上網卡
5) 版主教你: 一蚊雞玩 WhatsApp ! 每月加 300 分鐘 $36 攪掂
6) One2Free 神卡 160 蚊 4G 無限上網
漫遊上網 Tips 系列
1) 歐洲漫遊最平每日 $23 無限上網2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡：日韓台星 + 澳紐 上網逐日計 $17
受歡迎漫遊上網消息分享
1) 版主東京行！中國聯通富士卡 七日漫遊上網 新嘗試2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息：韓國／台灣 ＋新加坡 + 日本