特別版五月番貨!Samsung Galaxy S6 、S6 Edge 開賣細鋪平幾百

Eddie | Samsung
今日全城都係度講緊 Apple Watch ,其實版主見到 13 萬果隻超快斷市,就知道 Apple Watch 係土豪玩意,已經心灰意冷。可能因為全城都講緊 Apple Watch ,反而今日正式開賣既 Samsung Galaxy S6 同埋 Samsung Galaxy S6 Edge 就冇太多人留意,等版主 Eddie 帶大家睇下開賣情況。

//timgm.eprice.com.hk/hk/mobile/img/2015-04/10/201635/unrealandy_3_4523_2f3976447426fde0c0681c05ed223cb5.jpg

Samsung Galaxy S6 、S6 Edge 大鋪、細鋪銷情一般!淺藍、綠特別色要等五月!

今日版主 Eddie 都行過西洋菜街,睇下 Samsung Galaxy S6 同 S6 Edge 開賣既情況如何,從街頭行到街尾,每一間大鋪細鋪都話 Samsung Galaxy S6 同 S6 Edge 有少量現貨(問到 6 點幾仲有貨)。話說今年 Samsung Galaxy S6 與 S6 Edge 都取消了外置插卡和換電功能,所以有電訊商會隨機送讀卡器做配件,其實一隻 Micro-USB 手指都唔算好貴咋…而大鋪方面實體贈品就只有 Samsung 原裝的膠保護套,豐澤同百老匯都可以加錢換玻璃芒貼icon。店員話買 Samsung Galxay S6 與 S6 Edge 都會有 100GB 的 OneDrive (2 年),或多或少可以補償番冇插卡既缺點吧icon

如果覺得大鋪送膠殼唔吸引,當然就去細鋪睇下平幾多!版主見到先達細鋪最平賣 $5,280 ,比起官價平 $400 ;而 Samsung Galaxy S6 Edge (32GB) 就比起官價平 $500 ,最平搵到 $6,080 有交易;但係最貴的 S6 Edge (64GB) 都仍然在 $7,000 以上,搵到最平都要價 $7,280 ,呢個價仲係比起 iPhone 6 Plus (64GB) 更貴,係咪值得真係見仁見智啦。

最後要同大家講下,暫時香港開賣的 Samsung Galaxy S6 、Galaxy S6 Edge 只有黑、白、金三種顏色,特別的淺藍色 S6 與綠色 S6 Edge 店員話要去到五月先番貨,連問過先達場內都話隻色係未出,大家應該要預訂再等一排,版主其實真係幾鐘意 Galaxy S6 Edge 果種綠色,希望快點係香港見到吧!

//timgm.eprice.com.hk/hk/mobile/img/2015-04/10/201635/unrealandy_3_4523_d2c1d8816a2be7fe22e4477e1cf5948c.jpg
▲今日一開賣就已經有鋪收購 Samsung Galaxy S6 同埋 S6 Edge ,所謂的高價都只不過係平手價或者平手低 $100~ $200 (唔會有人覺得有得炒吧?)

//timgm.eprice.com.hk/hk/mobile/img/2015-04/10/201635/unrealandy_3_4523_16fce805d5fd8a8cadfb232c148dc987.jpg
▲先達的細鋪賣 Galaxy S6 價錢都在 $5,280 ,比官價平 $400 ;而 S6 Edge (32GB) 做到 $6,080 不過 64GB 就仍然要 $7,298 去賣,都係平少少,而且仲要用現金價先有平啊!

//timgm.eprice.com.hk/hk/mobile/img/2015-04/10/201635/unrealandy_1_4523_9ac9ae3356b375ea217d576ea4ba023a.jpg
▲電訊數碼的上台月費出機都有得平幾百,但版主計算冇乜著數

在文章發佈的時侯,Samsung Galaxy S6 定價為 $5,698 ,按此看詳細規格和最新賣價。
在文章發佈的時侯,Samsung Galaxy S6 Edge (32GB) 定價為 $6,598 ,按此看詳細規格和最新賣價。
在文章發佈的時侯,Samsung Galaxy S6 Edge (64GB) 定價為 $7,498 ,按此看詳細規格和最新賣價。
廣告