主題:屏幕、效能、相機全測試!LG G4 鬥 S6 Edge 、One M9

ePrice HK
  • 發表時間:2015-05-13 02:57 收錄檢舉
    之前就同大家分享過 LG G4 係手感同外型上的感覺同埋將 G4 比拼 HTC One M9 以及 Samsung 的 S6 Edge 。而屏幕,效能同埋相機方面的表現就未同大家提過。呢幾方面作為 G4 的重要賣點版主又點能夠唔講呢,今次就同大家分享下 LG G4 係相機、屏幕同埋效能上跟 HTC One M9 以及 Galaxy S6 Edge 大約咁做個比較,到底 G4 能否延續上一代機皇 G3 的氣勢呢?看完下文相信大家就會心裡有數啦!

    屏幕、效能、相機全測試!LG G4 鬥 S6 Edge 、One M9


    LG G4 單卡/雙卡版價錢一樣,但細節有不同

    係分享 G4 的表現時,版主首先回應大家對 G4 的疑問先,大家都知道 G4 係分為單卡以及雙卡版本的,而當中只有雙卡版可以做到中港 4G 。其實兩者分別並唔止呢點的,首先單卡版的 G4 係 FDD-LTE 的支援頻段上遠較雙卡版多,有齊 Band 1 (2100)、Band 3 (1800)、Band 4 (1700/2100 AWS)、Band 5 (850) Band 7 (2600)、Band 8 (900)、Band 17 (700) 、Band 28 (700 APT) 。所以呢部機係韓國、台灣、美國及歐洲不同地區,都可以收到所有頻段。係香港,對本地 SmarTone 的用家而言,因為 SmarTone 已將 Band 8 (900) 的頻段升級支援 4G LTE, Band 8 呢個頻段有助加強室內覆蓋,也能用到 SmarTone 上網更快的 900 + 1800 (CA) LTE,同時收晒兩個頻,最快造到 135Mbps 網速,比起 1800 一個頻最快得 75Mbps,理論上會好 D 。而更重要的一點係單卡版的 G4 係支援 csl. 嘅 Cat 6 300 速,但雙卡版就只有 Cat.4 。

    係雙卡版的 G4 方面,大家要留意的就係相當可惜地, G4 雙卡版只係做到 4G / 3G / 2G + 2G 雙卡雙待,換句話講 Sim 卡槽 2 只能夠用到 2G ,用家有需要人手轉換 SIM 卡。不過,單卡或雙卡版本,都做到 VoLTE,享用高清話音。

    屏幕、效能、相機全測試!LG G4 鬥 S6 Edge 、One M9
    其實 G4 的單雙卡版之別是頗令有意入手的朋友頭痛的,理論上有雙卡版價錢又一樣就當然係買雙卡啦。但單卡的 FDD LTE 支援較為完善,到外地旅行都較方便(如果想玩 Cat.6 300 速的朋友都只可用單卡版)。所以版主就覺得如果單卡版的 G4 能做到 S6 Edge 一樣網絡支援性咁強就好啦!


    2K 解像度+ Quantum 量子屏幕! G4 屏幕鬥 M9 、 S6 Edge

    講完支援頻段就講下屏幕啦,今次 LG G4 係屏幕上用上左 Quantum 量子屏幕, LG 強調量子屏幕係色彩重現、光度以及對比度三方面都有不少的提升。咁實際上 G4 的屏幕又係咪真係咁靚呢?版主就覺得其實 G4 的屏幕都係唔錯嘅,但坦白講去到目前呢個階段不少旗艦的屏幕都去到 2K 解像度的時候,其實每部機之間的差距都愈來愈少。比較值得一提就係 G4 的量子屏幕係顯示紅色方面係比起 Galaxy S6 同埋 One M9 更鮮艷的。不過是在室內將 G4 調至最光而的情況下,版主就覺得 G4 的紅色係有點刺眼,所以 G4 的屏幕是否討好其實都幾睇個人喜好的。 

    屏幕、效能、相機全測試!LG G4 鬥 S6 Edge 、One M9
    當三部機都調至最光的情況下(左起, One M9 、 G4 、 S6 Edge),可以見到 S6 Edge 的光度仍係最光的,而係顏色方面 G4 相比下則明顯偏向洋紅色的,同時係光度上即使 G4 已經有 25% 的進度,但係仍然係比 One M9 同埋S6 Edge 暗。

    屏幕、效能、相機全測試!LG G4 鬥 S6 Edge 、One M9
    ▲ 係呢張人像相比較上,(左起 S6 Edge 、 G4 、 One M9)大家可以見到 G4 的紅色顯示上係更加鮮艷的。
     

    再試 G4 感覺並唔 Lag !但安兔兔仍未有五萬分

    提完屏幕方面就到效能部份啦!同今年的主流旗艦不同, LG G4 今次改用左次一級的 Qualcomm S808 六核處理器。上次版主 Keith 為韓水版 G4 開箱的時候 G4 所得出的成績當然係令人失望啦。今次版主再試玩 G4 時係跑分方面就進步左唔少,不過同用上 S810 的 One M9 同埋 S6 Edge 相比起來, G4 的跑分成績始終係有所不及的。好多時大家都認為跑分不代表一切,所以版主就再分享下 G4 初步的使用感覺啦。 G4 係效能上比較值得高興係初步拎上手玩時 G4 的介面暫時沒有 Lag 的感覺,呢點對用家來講相信更重要啦。

    屏幕、效能、相機全測試!LG G4 鬥 S6 Edge 、One M9
    ▲ 同版主 Keith 上次的上手試相比,今次港版係安兔兔跑分上有明顯的進步,但係都未破五萬。

    屏幕、效能、相機全測試!LG G4 鬥 S6 Edge 、One M9
    係 Vellamo 上面 G4 的得分其實都不錯,但同目前跑分最好的 Galaxy S6 相比 G4 仍然係差一啲。
    ( Galaxy S6 在 Vellamo 上的分數為 HTML 5 5530 分、多核 3249 分、單核 2596 分)

    屏幕、效能、相機全測試!LG G4 鬥 S6 Edge 、One M9
    在 Basemark 2.0 上 G4 的成績為 60.17FPS ,打 3D 遊戲唔會有問題吧。


    手動模式有驚喜,G4  F1.8 大光圈室內環境鬥 S6 Edge !

    係相機部份,係睇相之前版主覺得 G4 的手動模式 ( M Mode )真係要講一講,猶記得係 G4 全球發佈會時 LG 特別強調 G4 的手動模式有幾全面。想不到原來同其他旗艦相比真係有不同,除左連快門都可以調較之外更重要係能夠即時從屏幕顯示到效果,令人滿意。至於係室內拍攝方面, G4 的對焦速度都係相當唔錯的,同 S6 Edge 差不多。

    屏幕、效能、相機全測試!LG G4 鬥 S6 Edge 、One M9
    LG 在全球發佈會時除左刻意提到 M Mode 外仲有意無意地拿另一韓國廠牌手機做比較,老實講同樣係手動模式下, G4 的選項真係全面得多。對於喜歡用手機拍攝的朋友來講相信很有幫助。

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9
    G4 同 S6 Edge 同樣係用上 1600 萬像素的主鏡頭,而 G4 的光圈就更大,達到 F1.8 。上圖左邊就係 LG G4 的相而右邊就係 S6 Edge(睇緊 ePrice.HK 手機版本嘅網友,上面係 G4 而下面係 S6 Edge)。 係整體表現來講版主就覺得兩者真係好相近,畫質兩者沒有明顯的分別,而顏色方面個人會比較偏好 G4 ,簡單一句兩部手機的相機表現都在同級水平,難分高下。


    更多 LG G4 相片試拍

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9 屏幕、效能、相機全測試!LG G4 鬥 S6 Edge 、One M9

    屏幕、效能、相機全測試!LG G4 鬥 S6 Edge 、One M9
    ▲ 再來一張前鏡自拍。
     

    電池有 3000mAh 又可以換電,但快充充電器要另外買

    G4 其中一個吸引到大家的地方相信係可以換電,當 Samsung 的旗艦都唔再能夠換電的情況下其實消費者的選擇就更少了。但係電池方面大家有樣野係要留意的, LG G4 係支援 Qualcomm Quick Charge 2.0 (QC2.0) 快速充電技術,不過入手 G4 時所附有的充電器是沒有快充功能的。咁用 G Flex 2 果個充電器又是否 OK 呢?雖然 G Flex 2 都支援 Quick Charge 2.0,但其實原裝叉機,係加入了 LG 技術,而非 Qualcomm 的 QC2.0,所以 G4 即使用左 G Flex 2 的充電器但係速度都不會做到 QC2.0 的速度,亦唔會有 G Flex 2 嘅充電速度。所以如果想為 G4 做到快速充電的話,大家就唯有用其他Qualcomm Quick Charge 2.0 的充電器啦!

    屏幕、效能、相機全測試!LG G4 鬥 S6 Edge 、One M9
    ▲ 有點諷刺的是,係 G4 本身不會附送 QC2.0 快速充電器的情況下, HTC 出品嘅 Quick Charge 2.0 快速充電插頭才是 G4 的好朋友。(不過,HTC One M9 本身都無送架喎 icon)  
     

    總結:合符大眾的期望,只是價錢上吸引力未算十分大

    簡單來講,版主相信 G4 係外型上雖然未算係人見人愛,但總算俾到新鮮感大家。而係硬件方面除左係 S808 六核處理器可能有點輸蝕外,基本上都好難有挑剔,特別是相機方面同 S6 Edge 更加係不相伯仲,版主相信大家試用過 G4 後是會滿意的。不過, $5698 呢個價錢你問版主值唔值的話,版主就覺得 $5698 呢個定位沒有問題,只係根據以往 LG 手機跌價的驕人往績⋯⋯等一排再入手都未遲。如果大家想係開賣前試玩 LG G4 的話就真係要參加 csl. 同 ePrice 的網友搶先體驗日啦!

    在文章發佈的時侯, LG G4 單卡與雙卡版本,於香港的定價為 $5698,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG G4
    • 現時售價: 已下市
    • 尺寸: 148.9 x 76.1 x 9.8 mm / 155 g
    • 電池: 3000 mAh
    • 插卡: microSD
    • 螢幕: 2560 x 1440、 5.5 吋 IPS TFT
    • 相機: 1600 萬像素CMOS
    • 顏色: 棕 / 黑 / 紅 / 藍(真皮)黑 / 金 / 白(菱格)
    • 時間: N/A
    • 上市: 2015-05-28
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2015-05-13 22:35 檢舉
    度唔度啲呀, QUICKER CHARGER都唔送...
    02樓 ▲TOP 回列表頁
  • 發表時間:2015-05-14 00:22 檢舉
    我懷疑 QC2.0 專利好貴。
    多謝支持 ePrice.HK
    03樓 ▲TOP 回列表頁
  • 發表時間:2015-05-14 12:27 檢舉
    Keith Paul Matt說:
    我懷疑 QC2.0 專利好貴。
    droid trubo 當時圍HKD4300(而家HKD3900) , 都送QC , 你話高通專利貴定LG食水深?icon
     
    04樓 ▲TOP 回列表頁