主題:金銀色 vs 灰色你點揀?HTC One M9 外型比一比

ePrice HK
  • 發表時間:2015-03-19 18:34 收錄檢舉
    剛剛 HTC 舉行的發佈會就公佈左 HTC One M9 定價同開賣細節。其實香港目前除左未會有 64GB 版本之外,金色版同粉紅色版的 HTC One M9 亦唔會係第一輪開賣時有得揀,只有主打的金銀色版同埋灰色版可供大家選擇。唔知大家又覺得邊隻顏色更好睇呢?另外,係發佈會上除左部機之外 HTC 亦都發佈左一系列 HTC One M9 的配件,更好大機會手機 + 配件同步發售!有興趣入手 HTC One M9 的朋友就要留意啦。

    金銀色 vs 灰色你點揀?HTC One M9 外型比一比
     

    HTC One M9 金銀色同灰色外型比一比!金銀色夠特別,灰色似 M8?

    雖然唔少朋友可能會嫌 HTC One M9 定價偏高,但假如大家真係入手時,又會揀邊隻顏色呢?兩隻色比較起來版主就覺得真係各有千秋!金銀色就可以體現到 HTC 係金屬機殼上的設計同埋工藝嘅突破,作為業界首次係金屬機殻上運用雙色設計嘅產品,HTC One M9 金銀色版係機面同機背上都上銀色,唯獨是手機邊框上就用左金色。而灰色版方面版主用 HTC One M8 灰色版來做過比較,其實分別不算明顯,不過係質感上仍然係相當唔錯的。唔講咁多,快啲睇比較啦!

    金銀色 vs 灰色你點揀?HTC One M9 外型比一比
    ▲ 首先來個 HTC One M9 兩個兩雙色正面照,金銀色版勉強可以見到金色邊框,而灰色版呢,版主覺得同 M8 都幾相似。

    金銀色 vs 灰色你點揀?HTC One M9 外型比一比
    ▲ 機背上,金銀色版的髮絲紋比起灰色版更突出,感覺上相當有質感。

    金銀色 vs 灰色你點揀?HTC One M9 外型比一比
    ▲ 再近啲睇兩部機的機背。

    金銀色 vs 灰色你點揀?HTC One M9 外型比一比
    ▲ 同 M8 的圓潤唔同,可以見到 M9 係側邊與背面交界處有一條稍有角度的彎折線,讓銀色與金色之間的分界看起來更明顯。另外,拎真機上手時版主就發現 M9 無 M8 咁「跣手」,不過同時又有點「𠝹手」。icon

    金銀色 vs 灰色你點揀?HTC One M9 外型比一比
    ▲ 再近睇啲,會見到金銀色版比灰色版更有層次感。但其實,版主個人就覺得灰色版外觀比較有型嘅。icon
     

    玩法更多更有趣,售價會更平? HTC Dot View Premium

    講完兩種顏色機身比拼再提下手相配件先。上年 HTC Dot View 推出反應可以話幾正面,所以今次 HTC 亦繼續力推!新的 Dot View Premium 除左畫面會更亮以外,更加可以係 Dot View 上顯示類似跑馬燈的 Dot Message 滾動訊息,甚至玩小遊戲都可以做到。至於呢個 Dot View 賣價會係幾多呢?估計定價會比 14 年 HTC One M8 Dot View 的 $320 平。(其實 M9 定價又唔算平,又無 Rapid Charger 2.0 送,不如送 Dot View Premium 比用家仲好啦!icon

    金銀色 vs 灰色你點揀?HTC One M9 外型比一比
    ▲ 用 Dot View 打機!好似幾得意咁icon

    金銀色 vs 灰色你點揀?HTC One M9 外型比一比
    ▲ Dot View Premium 另外亦有背面改用透明清水殼的設計的 Ice 版本。
     

    最啱戶外活動!防水防塵 Active Case + Active Headset

    除左 Dot View Premium 之外,呢款 Active Case 亦都係專為 HTC One M9 而設。呢個保護殼具有 IP68 防水防塵能力同埋 MIL-STD 810F-516 軍規防摔認證,可以確保係 2 公尺以下高度掉落都唔會損壞。搭配 Active Case 嘅就有 Active Headset ,呢個耳機除左有 IP57 防水防塵能力之外,同時能夠防汗。

    金銀色 vs 灰色你點揀?HTC One M9 外型比一比
    ▲ 呢 Active Case 三防保護殼將手機整機都被包到實,當場令 HTC One M9 外型好似三防手機咁。

    金銀色 vs 灰色你點揀?HTC One M9 外型比一比
    ▲ Active Case 的左右耳機是可以吸住的,方便掛在頸上攜帶。

    金銀色 vs 灰色你點揀?HTC One M9 外型比一比
    ▲針對音樂品質有要求的用戶,HTC 亦都會推出 Pro Studio 耳機,Pro Studio 主要賣點係耳機每邊各有兩個單體,負責高音與低音,搭配 M9 的 Dolby Audio Surround 音效技術,就可以提升用戶聽音樂的體驗。


    一部旗艦兩隻顏色, HTC One M9 金銀色 vs 灰色!你會點揀?

    同上兩代主要講創新外型設計不同,今次 HTC 推出的 One M9 創新方面無疑驚喜係少左,但係造工方面都仲睇到 HTC 係有進步的。一塊金屬機殼配上兩種配色的金銀色版 M9 可以話係最佳的證明,但有時外型靚唔靚呢樣嘢又真係好主觀。以版主為例,不論金銀色版幾有質感都好,個人都係覺得灰色感覺 Cool 啲,唔知大家又覺得邊隻色先係你嘅心水呢?快啲投票同留言分享下意見啦!icon

    金銀色 vs 灰色你點揀?HTC One M9 外型比一比
     

    HTC One M9 評測系列

    合乎預期? HTC One M9 香港定價+開賣日期即時話你知
    相機效果仲要等?HTC Sense 7 六大重點功能 你要知
    2000 萬像素有幾勁?日、夜影相鬥 iPhone 6 Plus 、M8
    睇了十張 M9 M8 比較圖,你就知 HTC One M9 應唔應該衝
    解謎時間:HTC One M9 vs M8 十個相似與不同 
    ​版主 Hands on ! HTC One M9 二千萬相機試拍 + 實機圖 + 跑分
    為 HTC One M9 加上 IP68 防水、新 Dot View Cover

    HTC 2015 Wearable 代表作
    高階運動手環 HTC grip 定價千五抵唔抵?版主上手試功能
    第二代 RE Camera 會現身!HTC 出運動手環、VR 眼鏡邊樣你 Buy?
    玩 Game 用佢最正! HTC 推出 VIVE 虛擬實境眼鏡

    在文章發佈的時侯 HTC One M9 香港定價為 $5998 (32GB) 版本。按此看詳細規格和最新賣價。
    HTC One M9 金銀色 vs 灰色!你會點揀? 投票時間:2015-03-19 ~ 2015-04-02 金銀色有質感夠特別,必買! 41 灰色先叫型,投灰色一票! 24 兩款都唔L買!咁貴你買埋我個份! 56

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HTC One M9 (32GB)
    • 現時售價: 已下市
    • 尺寸: 144.3 x 69.7 x 9.6 mm / 157 g
    • 電池: 2840 mAh
    • 插卡: microSD
    • 螢幕: 1920 x 1080、 5 吋 SLCD
    • 相機: 2000 萬像素CMOS
    • 顏色: 銀配金 / 粉紅配金 / 金 / 灰
    • 時間: N/A
    • 上市: 2015-04-01
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
  • 發表時間:2015-03-19 20:48 檢舉
    M8會唔會都有為M9新出的Dot View Premium背面透明殼版本???THX
    02樓 ▲TOP 回列表頁