主題:​Android 6 不是全部! 揭開 HTC One A9 高省電效能之秘

    • Andrew 手機測試員,專試 HTC 手機
    • 帳號:
    • 發文:23
    • 經驗:48
    發表時間:2015-12-07 12:40 收錄檢舉
    大家好,又係 HTC 測試員 Andrew ! 之前做過一個 2150mAh 電池,省電效能媲美 3000mAh 電池嘅測試。有網友留言,說當其他手機都升級了Android 6.0,HTC One A9 嘅低電池容量,高省電效能,會變得不明顯!到底,升級了 Android 6.0 是否做到極致省電?今日我會跟大家分享一下。

    ​Android 6 不是全部! 揭開 HTC One A9 高省電效能之秘
     

    Android 6.0 的確厲害

    Android 6 比起 Android 5 最大嘅有感升級,應該係省電效能。HTC 亦專門推出 One A9 來示範。係上次實測,都證實了 2150mAh 電量嘅 HTC One A9,跟 Android 5.0 版本,配合 3000mAh 電池對手,電池效能相約。到底,Android 6.0 用什麼方法去做到省電效果? 

    doze 閒置階段的處理
    doze 解作「打瞌睡、假寐」是 Android 6.0 處理電量嘅方法,主要針對手機待機唔用時作出嘅反應,就像中文譯音一樣,將手機打入假寐嘅狀態。一部手機滿足三個條件之後,就會進入閒置的階段 (Doze)。一,一段時間沒有任何動作;二,沒有連接充電電源。三,屏幕一段時間沒有開啟。閒置狀態將會對特別耗電的服務做出限制:如數據連線。Google 沒有說明要手機閒置了幾耐才進入 doze 階段,一般而言,就是深夜睡覺長時間唔郁手機嘅時候。

    App Standby 程式預備階段
    在運作的應用程式滿足兩個條件之後,就會進入 App Standby 狀態。一,長時間沒有使用;二,手機沒有連接充電電源。此狀態會限制背景應用程式的耗電與數據使用量,達到省電的目的。 同樣 Google 沒有說明要手機閒置了幾耐才進入 App Standby 階段,但筆者使用 A9 嘅經驗,基本上你把屏幕關了短時間,就會進入 App Standby,所以 Android 6 比較省電,係可以好容易感受得到。

    應用程式白名單
    之前講到,當 Android 6.0 進入 doze 閒置階段,數據連線有機會被限制,換句話說,在長時間閒置,部份 IM 程式的提示功能,有機會失效。若果你訓覺個陣,都會把手機來電、Notification 全關,基本上 doze 不會影響到你,因為當你晨早起身再開手機,全部 Notification 也會一次過推送給你。但若果你是職業原因,要廿四小時 Standby,Android 6.0 也提供了應用程式白名單,提供客製個別電源功能的選項,可在「設定」-「電池」-「電池最佳化」設定例外的應用程式,如 WhatsApp、FB Messenger 或其他業務上要用嘅手機功能服務。

    ​Android 6 不是全部! 揭開 HTC One A9 高省電效能之秘  
    ▲ 以 HTC One A9 做例子,若不想個別 App 如 WhatsApp 不會因為 Doze 而影響 Notification 提示 (其實進入 Doze 後,系統也會定時查詢不同訊息)可在電源,電池最佳化,揀所有應用程式,再找出 WhatsApp,加入「不要最佳化」選項就可以。

    全新 Snapdragon 617 處理器
    係 HTC One A9 裡,HTC 選擇了 Qualcomm Snapdragon 617 (S617) 作為處理器,呢粒 SoC (System on Chip)  內涵了 Hexagon 546 DSP (數字信號處理器)。DSP 係 Qualcomm 嘅 SoC 上面,是一類專門設計來處理多項功能嘅訊號,如影像、音效等等。S617 使用 Hexagon 546 DSP 比起 S615、S808 使用嘅 Hexagon V50 與 V56 DSP,支持更低功耗,即係唔駛浪費咁多電,這能夠有效提升手機續航能力,這亦見解釋到上次電量測試,係打機比拼環節,One A9 電量消耗會比對手使用舊版 S615 處理器好嘅原因。 

    ​Android 6 不是全部! 揭開 HTC One A9 高省電效能之秘
     

    HTC Sense 嘅優化

    另外,不少人留意到 HTC One A9 嘅 Sense 版本,是 Sense 7.0_g,實際比起 M9 等機採用嘅 Sense 7 造得更簡化:針對取代性高、不是 HTC Sense 主軸功能,盡量運用 Google 原生的介面與既存功能。一方面是降低重複作用的應用程式,另外,能有效加速與優化整個系統的運行速度,如手機使用 Chrome, Google Music 代替 HTC 瀏覽器,音樂放器,設定等等。這些簡化,亦對 A9 電量控制得更加好。
     

    1080p 芒

    最後,HTC One A9 沒有用上 2K 芒,只是 1080p 芒,跟 M9+、E9+ 等不一樣,亦令 A9 在細容量電池下,帶來不錯嘅嘅電量效益。送上兩個 Battery Test 實測,都已用上 Android 6.0。你會發覺,Android 6.0 是否真的做到好省電?絕對可以,但似乎跟屏幕解像度、手機優化、使用處理器都好大關係。

    ​Android 6 不是全部! 揭開 HTC One A9 高省電效能之秘
    ▲ 來自一部全新 Andriod 6.0 兼使用純 Android 系統嘅手機。佢跟 HTC One A9 一樣,只採用 AMOLED 1080p 芒,但電池比較大,有 2700mAh。電池效能軟件顯示,Geekbench 3 有七小時三十八分、PC Mark 有六小時四十六分,兩個分數都比 HTC One A9 好。一部機係用 Pure Android 6 、HTC One A9 用優化版 Sense with Andorid 6,大家都係 Full HD AMOLED 屏幕,但對方電池容量比較大,得出比較長嘅使用時間,是很合理結果。同樣地,兩部手機都比起使用 3000mAh 電池,未係 Android 6 嘅手機都要省電。

    ​Android 6 不是全部! 揭開 HTC One A9 高省電效能之秘 
    ▲ 來自最近升級 Andriod 6 嘅手機,佢有 2K 屏幕,有很重份量嘅系統、介面再規劃。電池有 3000mAh,比起上面兩部機都要大容量,但 PC Mark 得分只有五小時十八分鐘,比起新款 Android 6 手機都要差。我們對比過 PC Mark 網上資料庫。呢部手機,原來有無升級 Android 6.0 電量效能沒有明顯改善。所以,Android 6 升級,係咪對每一部手機都起到省電作用,呢個例子話俾大家知:唔一定。手機嘅優化,屏幕嘅解像度、大小,都有影響。呢部手機沒有 Geekbench 3 電池成績,因為升了級,Geekbench 3 在測試完後,不能發出報告,原因不明。


    ​Android 6 不是全部! 揭開 HTC One A9 高省電效能之秘
    ▲ 若果大家對不同手機電池效能,想有一個比較數據化嘅比較,Geekbench 3 與 PC Mark for Android 裡面嘅 Battery Test 都係不錯嘅 Benchmark 軟件。Geekbench 3 會以 CPU 80% 負荷量,由 100% 電量運作至手機關因無電而關閉,模擬手機運行高負荷應用程式時,最長嘅使用時間,所以結果不是手機嘅續航力。跟據 Andrew 嘅使用心得,將得出來嘅結果 (跑完測試嘅時間) x 2,會大約相等於中用量 (包括上網、打機、睇片、IM) 每日嘅使用時間。PC Mark for Android,會把手機屏幕調教至 200nits 亮度,並連續運行上網、睇片、文件處理等任務。由電池 100% 效能至 20% 再得出結果。由於兩個測試,都有同一準則,比起坊間不同手機測試員,以自己方式說呢部機好長命、好短命,會有更高嘅比較價值。大家以後,可以多多留意。Click 入上圖係 GeekBench 3 結果查詢頁,你唔想自己跑 Test,看看別人結果就好。由於 Battery Test 很花時間,你找一個最長氣嘅結果,應是最準確了。
     

    小結:手機電量效能,不應只是睇電池容量數字

    Andrew 重申,我不認為 HTC One A9 在 2150mAh 電量下,會有大奇蹟,如中用量都用到足足兩日,狂打機十數小時也沒有問題,這些事,沒可能發生。但因為 Android 6、使用處理器、系統優化、屏幕解像度等等,令本來好細嘅電池,在中用量下,也用到十數小時,這個事實,相信不少買了 A9 嘅網友體驗到。電池嘅容量,也未必越大,代表越省電,中間要考慮因素亦好多。買機個陣,就算係唔係揀 HTC 手機,相信聽聽其他網友意見,睇睇不同客觀 benchmark 報告,會係不錯嘅功課來的。

    資料參考:HTC 台灣論壇PConline 太平洋電腦網

    Andrew 的 HTC One A9 實測
    免費有得聽! 教你係手機聽盡 Hi-Res Audio 原音音樂
    2150mAh 電池效能擊敗 3000mAh 機種 ! 實測 Android 6.0 慳電威力
    Android 6 不是全部! 揭開 HTC One A9 高省電效能之秘

    資料由客戶提供

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HTC One A9 32GB
    • 現時售價: 已下市
    • 尺寸: 145.75 x 70.8 x 7.26 mm / 143 g
    • 電池: 2150 mAh
    • 插卡: microSD
    • 螢幕: 1920 x 1080、 5 吋 AMOLED
    • 相機: 1300 萬像素CMOS
    • 顏色: 灰/銀/金/紅/粉紅
    • 時間: 通話 960 分鐘 / 待機 432 小時
    • 上市: 2015-11-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • HTC One A9
    • 現時售價: 已下市
    • 尺寸: 145.75 x 70.8 x 7.26 mm / 143 g
    • 電池: 2150 mAh
    • 插卡: microSD
    • 螢幕: 1920 x 1080、 5 吋 AMOLED
    • 相機: 1300 萬像素CMOS
    • 顏色: 灰/銀/金/紅/粉紅
    • 時間: 通話 960 分鐘 / 待機 432 小時
    • 上市: 2015-11-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔