OIS 光學防手震 + f/2.0 光圈! HTC X9 相機實測拼 iPhone 6s

前排 12 月的時候，版主 Keith 咪同大家分享過，HTC 在中國大陸官網上發表了 HTC One X9，並已在大陸市場正式開賣。X9 採用左一體成形的金屬機身，內建前置 BoomSound 立體聲雙喇叭，而且再無以往讓人批評的三下巴設計，網友對呢部機的評價都相當正面，認為值得考慮。而 X9 有一大重要的賣點，就是佢嘅 OIS 相機，當呢部 HTC X9 加入左 OIS 光學防手震、f/2.0 光圈的 1300 萬像素相機，實際影出黎嘅效果會係點呢? 唔知又能唔能夠同 iPhone 6s 有得揮呢? 版主就俾大家比較一下 X9 同 iPhone 6s 影出黎嘅相有咩分別!





▲ X9 的賣點主要都係相機、屏幕同埋雙喇叭，當中主相機同 A9 一樣，都具有 OIS 光學防手震。


▲ X9 其中一個賣點，就是可以拍攝 RAW 檔。


▲ 在 RAW 模式下，可以手動調整白平衡、曝光、ISO、快門速度以及測光模式。

以下就有幾組圖片可以俾大家參考一下：

【照片第一組】
利用 X9 拍攝，使用「背景虛化」模式拍微距，可以見到景深的效果好明顯：



【照片第二組】
同樣係利用 X9 拍攝，不過今次係影夜景，而且無用腳架，我地可以見到夜拍和防手震功能方面，X9 都做得尚算不錯，不過放大之後都係會明顯見到雜訊，但都勉強叫做合格：


【照片第三組】
HTC X9 vs. iPhone 6s 拍照測試比對：

▲ 分別利用 X9 以及 iPhone 6s 拍攝，對焦點選定中央紅框處的指引路牌。


▲ 上圖可見原圖裁切，兩款手機在解析力上的表現差別不大，而 iPhone 6s 的成像比 X9 的相對更光。

【照片第四組】
HTC X9 vs. iPhone 6s 拍照測試比對：
 
▲ HTC One X9　　　　　　　　　　　　　　　　　　▲ iPhone 6s

【照片第五組】
HTC X9 vs. iPhone 6s 拍照測試比對：
 
▲ HTC One X9　　　　　　　　　　　　　　　　　　▲ ​iPhone 6s

睇完以上幾組圖片，唔知大家覺得 HTC One X9 同 iPhone 6s 影出黎嘅相比較，邊部機的相靚啲呢? 因為第三組至第五組先係兩部機的比較，從呢三組的照片來看，我覺得 iPhone 6s 的解析度比 X9 高，而且影出黎的相比較自然，色彩還原度更高。而 X9 影出黎的相，感覺上有點偏黃，但對比度同飽和度都比 iPhone 6s 高啲，唔知大家又覺得 X9 的表現點呢?

來源：PConline