都係三星啦!首波劈價潮開始,HTC 手機搶先減!

左定坤 (Cho Ting Kwan) | HTC
講樣野俾大家聽,話說 Samsung C 系列未開賣之前,版主曾經行場時同大舖某品牌 Promotor 傾開,佢表示預計 C 系列開賣之後,將會逼到一批中階機劈價。果一刻,我真係信,因為 C 系列以中階機來說,淨睇 specs 都挺吸引下,再加上價錢又不高,其他品牌的中階機,真係要比下去。果然,Promotor 講的真是對的,第一波的劈價潮終於開始了,到底首先劈價的,是 LG、HTC 抑或 Sony 呢?

HTC 場料(Facebook).jpg

揭 Samsung Galaxy C 系列大舖「不減反加」之謎!難怪其他品牌開始要逼住減!
Samsung Galaxy C 系列真的那麼有威脅性,令到其他中階機逼住要劈價嗎? 版主早前提過,甚至有大舖將 C 系列新機加價,由「即減 $200」變成「即減 $100」,這樣做不會先玩死自己嗎? 事實證明,即使 C 系列加價,亦不能改變 C 系列「高性價比」的事實,貴一百,客仍然是有。昨日版主進一步到大舖了解,C 系列加價的原因,據悉原來也許是太多人購買的關係,導致貨源不足所以暫時要將價格回升。試想想,這個現象,有幾可會在其他品牌上可以見到呢? 咁真係唔怪得,其他品牌的中階機開始逼住逐步減價啦!

有無攪錯! 三星、華碩新機不減反加

劈價由 HTC 開始!HTC One X9 大舖、網絡商劈到同價!
第一波的劈價潮,將會由 HTC 開始。講開又講,HTC 手機最近的大舖減價消息其實不多,特別是中階機,對上果次講減價,好似已經係 HTC One X9,在 Sun Mobile 減價,果陣已經係六月中嘅事了。時隔個半月,HTC One X9 終於在大舖有得減,減嘅幅度不算大,由原來的「即減 $400」,變成「即減 $600」,最新大舖賣價為 $2698,同 Sun Mobile 同價。當然,相比網絡商,大舖買機送嘅禮品較多,感覺上會着數一點。雖然 HTC One X9 用的是 MTK U,而且是 Helio X10,要打機未必適合,不過佢亦都有佢嘅優點,喜歡睇片的話,佢仲有大大聲的喇叭,而且支持雙卡,不是大家至憎的「弧寒式」設計,加上運行 Android 6.0,二千七有找,網友覺得衝唔衝得過?

75df95f4-5378-41b3-b86f-23686663d837.jpeg

千五蚊有找 5.5 吋、支持中港 4G 雙卡雙待、八核手機,網友會入手嗎?
如果你覺得:Um......我覺得 HTC One X9 都係麻麻,有無更抵玩一點的選擇呢?有,HTC 今年的中階機都仲係覺得貴,咁你可以考慮去年年尾上市推出的 Desire 728,配置相對 X9 低階,同 X9 一樣具有 5.5 吋 SLCD 芒、13MP + 5MP 鏡頭,並支持雙卡雙待,但就用 MTK MT6753 八核心處理器,而且得 2GB RAM + 16GB ROM,電相對 X9 少 200mAh,無 NFC 同埋運行 Android 5.1,但對於普通 Android 用家或者新手用家來說,都尚算夠用。而這部 Desire 728 近日都在大舖再有減價,由原來的「即減 $500」,變成「即減 $700」,減左兩舊水,千五蚊唔洗可以入手,你又會唔會揀呢?

ea17eace-b170-4e76-b480-21fc005c2c6f.jpeg

為左讓大家更了解 HTC X9 同 Desire 728 的不同,版主利用 ePrice 手機比拼系統,讓大家能夠看得一清二楚:

Screen Shot 2016-08-01 at 2.28.41 PM.png
▲ 按上圖或按這裡,進入 ePrice 手機比拼系統。

HTC One X9 在文章發表時,賣價為 $2698,按這裡有詳細規格及最新賣價
HTC Desire 728 Dual Sim 在文章發表時,賣價為 $1498,按這裡有詳細規格及最新賣價
廣告