主題:6 吋巨芒,跑分衝十萬!華為 Mate 8 版主極速開箱試

ePrice HK
  • 發表時間:2015-12-17 22:02 收錄檢舉
    2015 年就快完之際,華為就趕及尾班車係年尾壓軸推出自家規格最強的旗艦 Mate 8 ,並且係 12 月頭在大陸已經開賣。雖然 Mate 8 直式係香港開賣的時間最快都要去到下年,但係水貨係較早時間已經到左香港啦!(不過咁岩撞正大鋪劈價,好像關注的人不多)版主當然不會放過呢個機會開箱試玩,一齊來睇下呢部 6 吋大芒機在用上最新自家製處理器下,能否完勝所有大廠機!

    6 吋巨芒,四千大電,跑分衝十萬!華為 Mate 8 版主開箱試


    4GB RAM + 6 吋大芒!華為 Mate 8 開箱試玩

    華為 Mate 8 係大陸開賣時分左多個版本,最簡單可以分為 3GB RAM 的 32GB 內置容量版、 4GB RAM 的 64GB 以及 128GB 版,今次版主試玩的就係 64GB 版本。係開箱前有樣野係手機發佈會時未有特別提到而家要講返的,就係 Mate 8 全網通版所支援的手機頻段。講到手機頻段, iPhone 係呢方面一向十分齊全,做得不錯。而 Samsung 的 S6 edge 以及 Note 5 以 Android 手機來計算係最出色的。以通訊設備起家的華為在 Mate 8 身上也投注了不少心機。 Mate 8 只計 FDD LTE 頻段已經有成 14 條,而且 TDD LTE 甚至 CDMA 都齊備,算得上名乎其實的「全網通」。希望係 Mate 8 係香港正式推出的時候都能夠保留呢個優點,不會變成「閹割版」啦!

    6 吋巨芒,四千大電,跑分衝十萬!華為 Mate 8 版主開箱試
    ▲大陸廠牌其實有不少共通點,好似最高階的手機多數都用上黑色的包裝盒。

    6 吋巨芒,四千大電,跑分衝十萬!華為 Mate 8 版主開箱試
    ▲ 作為旗艦機,跟機配件都相當夠,有好似 earpod 的耳機同一個 9V/2A 的快充。

    6 吋巨芒,四千大電,跑分衝十萬!華為 Mate 8 版主開箱試
    ▲Mate 8 係顏色選擇上比較單一,好似 4GB RAM 版本就只有「香檳金」同「摩卡金」,都係金色⋯⋯ 
     

    外型具旗艦質感,但邊框感覺不算窄

    係外型方面,大家都知華為近年來造工上進步神速。以 Mate S 為例,如果大家有在大鋪把玩過都會同意即使係規格上唔值四千幾呢個價錢,但係造工上就無乜可以挑剔。 Mate 8 係外形上一樣以金屬作為主要材質,而同之前試玩過的華為入門機 5X 相比,兩者金屬機身不同之處在於 Mate 8 有磨沙質感,邊框也有拉絲紋。係機背上面華為官方以「美,無繃帶」作為賣點,因為手機唔似得 iPhone 一樣有明顯的天線膠邊(其實 Mate S 也有)。但係因為無左「繃帶」,機背上 Mate 8 就用了三段式設計,上下兩部份質感同顏色都跟中間金屬機背不同。呢個就係金屬機要做的取捨了。

    係屏幕方面就要花多少少時間去講。話說 Mate 8 用上 6 吋大芒但手機尺吋跟 5.5 吋芒 iPhone 6s Plus 差不多,有成 83% 的屏佔比,本來是件幾威水嘅事,但在發佈會上華為不知是不是為了進一步標榜自家工藝的成熟程度,更特地提到 Mate 8 邊框只厚 2.7mm ,而且 Mate 8 渲染圖睇落好似做到「無邊框」一樣,叫人驚嘆。不過,從實機看來,官方圖片無疑係「 PS 得過火」, Mate 8 實機邊框不算好厚,但實在沒有官方所指「視覺更無界」啊!

    6 吋巨芒,四千大電,跑分衝十萬!華為 Mate 8 版主開箱試
    ▲機背的指紋掃描感覺有點 Nexus 6P 的影子,另外要留意 USB 插口並沒有用到潮流興的 Type C 。

    6 吋巨芒,四千大電,跑分衝十萬!華為 Mate 8 版主開箱試
    ▲ 機面上,細心留意可以見到原有係有圓波型的紋理的。

    6 吋巨芒,四千大電,跑分衝十萬!華為 Mate 8 版主開箱試
    ▲金屬邊框用上了拉絲紋,而電源鍵也加上了紋理以作悉別。

    6 吋巨芒,四千大電,跑分衝十萬!華為 Mate 8 版主開箱試
    ▲ 3.5mm 插口位於機頂。

    6 吋巨芒,四千大電,跑分衝十萬!華為 Mate 8 版主開箱試 6 吋巨芒,四千大電,跑分衝十萬!華為 Mate 8 版主開箱試
    ▲係發佈會上另人震驚的 2.7mm 窄邊框渲染圖,同實機的分別還真大⋯⋯

    6 吋巨芒,四千大電,跑分衝十萬!華為 Mate 8 版主開箱試
    ▲SIM 卡槽用左 SD 卡/ SIM 卡共用設計。

    6 吋巨芒,四千大電,跑分衝十萬!華為 Mate 8 版主開箱試
    ▲話明全網通,係香港用 4G 當然沒有問題啦,另外要留意水貨版 Mate 8 的 VoLTE 在香港是不能用的。


    效能測試:Mate 8 安兔兔+ Vellamo 成續完勝大廠旗艦

    之前提過 Mate 8 最大賣點就係用上自家製最新一代的 Kirin 950 處理器,採用 16nm 製程設計,華為提到呢個處理器跟以往的 Kirin 925 相比 CPU 勁一倍而 GPU 更加有 125% 的提升。如果大家有裝安兔兔 6.0 的話,都會見到在排行榜上第一名就係有近九萬三分的 Mate 8 ,實際上係咪真係咁強呢?版主今次跟往常一樣,用返安兔兔、 Vellamo 同 Basemark 2.0 作測試,結果仍然係 Mate 8 輕鬆登上榜首,而且安兔兔成績比起官方數字還要高。之前 OnePlus 以一句「2016 年旗艦」作為宣傳口號,個人覺得 Mate 8 更合用呢!

    不過, Mate 8 所用的 Kirin 950 處理器又是否無懈可擊,完勝對手呢?從安兔兔的數字看來又不是,之前已有不少網友指出 GPU 會係 Kirin 950 的弱點,從今次成績都可以印證到呢點。在安兔兔測試中, Mate 8 在 3D 圖像方面其實比起 Samsung 的 Note 5 遜色,面對來勢兇兇的 Qualcomm S820 處理器,相信用左 Mali-T880 GPU 的 Mate 8 跟往後旗艦相比會有點吃力。不過,現階段來說, Mate 8 無疑是 2015 效能最強啦。

    6 吋巨芒,四千大電,跑分衝十萬!華為 Mate 8 版主開箱試
    ▲安兔兔升上 6.0 後可能大家都未必習慣到,所以今次都加上 5.7.3 的分數,可以見到分數近 8 萬。

    6 吋巨芒,四千大電,跑分衝十萬!華為 Mate 8 版主開箱試
    ▲ 來到 6.0 上,好多手機分數爆升, Mate 8 都不例外。

    6 吋巨芒,四千大電,跑分衝十萬!華為 Mate 8 版主開箱試
    ▲ 即使分數同 Note 5 相比高成萬分,但在 3D 圖像效能上,Mate 8 反而不及對手。

    6 吋巨芒,四千大電,跑分衝十萬!華為 Mate 8 版主開箱試
    ▲ Vellamo 上面成績也是一枝獨秀。

    6 吋巨芒,四千大電,跑分衝十萬!華為 Mate 8 版主開箱試
    ▲Basemark 2.0 分數亦貼近 60 FPS 。
     

    小結:效能上華為全年最出色的旗艦!快點在港推出吧!

    今次開箱版主本來想做簡短一點,因為還有下半部份的,但不小心寫得長左,因為 Mate 8 實在是一部充滿話題性的旗艦啊!沒錯,相機部份現在是沒有的,因為會係之後的手機比拼中提到。講返 Mate 8 ,同今年版主試過的華為手機相比,呢部係使用感覺上的確係最爽快的,而且賣點亦夠多,唔似得之前同樣屬於 Mate 系列,但係吸引之處卻係乏善足陳的 Mate S 。外型來計個人認為 P8 Max 是最正的, 6.8 吋大芒只厚 6.8mm ,機背也很簡潔,而 Mate S 的 4GB RAM 版只有金色系列可選,係選擇上叫人有點頭痕。唔知大家又點睇華為「儲力已久」的大絕 Mate 8 呢?一齊留言講講啦!

    在文章發佈時,華為 Mate 8 發佈日期未定,按此看手機詳細規格及最新賣價

    鳴謝:Lucky Digital Store 好運數碼 ( 5465-5886 )

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 華為 Mate 8 (標準版)
    • 現時售價: 已下市
    • 尺寸: 157.1 × 80.6 × 7.9 mm / 185 g
    • 電池: 4000 mAh
    • 插卡: microSD
    • 螢幕: 1920 x 1080、 6 吋 IPS TFT
    • 相機: 1600 萬像素CMOS
    • 顏色: 銀 / 灰
    • 時間: 通話 1680 分鐘 / 待機 528 小時
    • 上市: 2016-01-28
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔