主題:版主試玩!皮革版 LG G4 外型、手感拼 HTC One M9 、 S6 Edge

ePrice HK
  • 發表時間:2015-05-12 16:58
    剛剛 LG 就係香港發佈左 LG G4 並且公佈埋售價,相信大家都估唔到會有雙卡版兼且價錢同單卡版一樣吧!之前版主 Keith 就率先試下過 LG G4 的韓水版,大家都應該對 G4 有一定的認識。而香港今次會上市的 G4 同 Keith 試玩的韓水版最大的不同當然就係外型上啦!香港今次第一波只會推出的皮革版 G4 ,塑膠版係之後先會推出,版主剛剛就試玩完皮革版的 G4 ,如果大家都想知皮革版好唔好睇,手感正唔正的話就要留意下文啦!

    [大家記得啦!如果想搶先試現 LG G4 可以參加 ePrice 同 csl. 舉辦的 LG G4 體驗日! 14/5 就係啦]
    csl x ePrice.HK ! LG G4 來臨! 網友搶先體驗日

    版主試玩!LG G4 外型、手感拼 HTC One M9 、 S6 Edge


    LG G4 皮革版本外殻各具特色,質感也有不同

    係發佈前不少朋友(包括版主)都覺得皮革版的外型不太討好,而且都好擔心皮革版的外殻係手感上會否同主打金屬機身的 HTC One M9 同埋玩玻璃材質的 Samsung Galaxy S6 Edge 比下去。老實講,係手感上 G4 皮革版真係比到驚喜版主,但係分享前首先要提一提大家第一輪推出的 G4 會有藍/棕/黑/褐/紅,五種版本,而係手感上呢五種色都略有分別的。

    主打的棕色同埋紅色都好相似,但係如果大家仔細感受之後會發現黑色、藍色同埋褐色三者皮革的紋理雖然同樣係比較明顯,但摸耐少少係會有微妙的不同。用文字來表達手感的分別其實幾唔容易,所以版主建議大家如果有意入手 G4 真係要去參加一下試晒五個版本。(再賣廣告先:csl x ePrice.HK ! LG G4 來臨! 網友搶先體驗日

    回到正題,今次版主試玩的就係 LG 主打的棕色版本,係手感上棕色版本對比起其他顏色係比較光滑的,而且唔會有「塑膠扮皮革」的感覺,呢點真係值得一讚。 LG 官方強調佢地係製作過程上用左一種耗時較長的「植物鞣製真皮機背」技術,雖然聽完都唔知係甚麼一回事,但最少係手感上版主試用過棕色版主 G4 同埋塑膠版本後會比較想用皮革版本先。

    版主試玩!LG G4 外型、手感拼 HTC One M9 、 S6 Edge
    ▲ G4 的正面。

    版主試玩!LG G4 外型、手感拼 HTC One M9 、 S6 Edge
    ▲ 呢個係棕色皮革版本,版主個人覺得以皮革來講佢最討好。

    版主試玩!LG G4 外型、手感拼 HTC One M9 、 S6 Edge
    ▲ 大家有無仔細留意到閃光燈外有「撻」污積呢?皮革版其中一項好處係比較能抗污糟,版主用手大力抹兩抹就去除左污積了。icon
     

    流線型機背設計感覺明顯

    另外就係外型方面, G4 所用到的流線型機背設計其實頗為明顯,大家一拎上手後第一個念頭應該會係「到底呢部機係咪用左 G Flex 2 果隻曲面屏幕呢?」。雖然流線型機背係外觀上對 G4 有沒有影響呢點實在難講,但係手感上曲面機背的確有助用家係使用呢部有 5.5 吋屏幕的手機時,拎得比較容易。簡單來講, LG G4 的皮革版本係外觀上是否好看相信都幾難有一致的看法,版主個人就覺得皮革紋理較為光滑的棕色版會較好。不過係手感上,皮革版本 G4 優於塑膠版本的 G4 呢點,試玩過的朋友應該都會同意。至於唔想要皮革版本 G4 的朋友其實都唔需要太失望,一來 G4 係可以摸殻,唔喜歡皮革版的朋友將 G4 換成膠殼就可以啦。二來塑膠版本只係不會於首輪在港推出,但係之後係香港推出的機會都係大的,另外而家入手 G4 的朋友亦會附送香檳金外殻一個啊!

    版主試玩!LG G4 外型、手感拼 HTC One M9 、 S6 Edge
    ▲ 雖然有多個版本的機背,但 G4 的機身只有一部版本,另外鏡鏡有 800萬像素都係 G4 賣點之一。

    版主試玩!LG G4 外型、手感拼 HTC One M9 、 S6 Edge
    喇叭就係機背的底部,而 USB 以及 3.5mm 插口都位於機底。

    版主試玩!LG G4 外型、手感拼 HTC One M9 、 S6 Edge
    雖然孤度不及 LG 的 G Flex 2 ,但曲面機背的設計一樣很明顯。
     

    皮革質感 LG G4 vs 金屬機身 One M9 + 玻璃機身 S6 Edge

    好!基本上 2015 Android 主要廠牌的旗艦機都出齊啦(係 Sony 要等等⋯⋯ ),不論係 LG 、 Samsung 或是 HTC 的旗艦係外型上都可以話各具特色, HTC 繼續玩金屬機身、 Samsung 改玩玻璃加金屬邊框而 LG 就用皮革。外型方面邊一個比較好看就當然要由大家決定,但係手感來講如果要版主係 G4 、 One M9 同埋 S6 Edge 之中選一個的話,版主覺得可能 G4 係最好的一部,因為 One M9 的金包銀版本有刮手的問題而 S6 Edge 更加係版主用過的手機之中手感最差的一部(太窄的金屬邊框令 S6 Edge 比 M9 更刮手,但 S6 卻很不錯!)。唔知大家又覺得三間廠牌邊部旗艦係外型上最岩心水呢?大家快啲來投票同埋分享意見啦!icon

    版主試玩!LG G4 外型、手感拼 HTC One M9 、 S6 Edge
    ▲ 三部機係外型上可謂各有特色,如果單以外觀計的話版主個人係較喜歡 HTC One M9 的。

    版主試玩!LG G4 外型、手感拼 HTC One M9 、 S6 Edge
    機背來講,其實 G4 的棕色皮革版同鏡頭、按鍵感覺是配搭得不錯的。

    版主試玩!LG G4 外型、手感拼 HTC One M9 、 S6 Edge
    ▲ 比外型好多時都要比埋厚度,可惜 G4 係用左流線型機背,所以同其他機做比較會有點難度。

    在文章發佈的時侯, LG G4 於香港的定價為 $5698,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG G4
    • 現時售價: 已下市
    • 尺寸: 148.9 x 76.1 x 9.8 mm / 155 g
    • 電池: 3000 mAh
    • 插卡: microSD
    • 螢幕: 2560 x 1440、 5.5 吋 IPS TFT
    • 相機: 1600 萬像素CMOS
    • 顏色: 棕 / 黑 / 紅 / 藍(真皮)黑 / 金 / 白(菱格)
    • 時間: N/A
    • 上市: 2015-05-28
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔