主題:Sony Xperia X Performance 七天體驗 五吋芒原來都幾方便又手感好

※ 此文已被鎖定,無法回覆與編輯 ※
  • 發表時間:2016-07-04 23:42 收錄檢舉
    熊大係 Sony Fans,Sony 推出全新 Xperia X 系列,當然第一手想用! 感謝 ePrice 把最高階的 X Performance 借給我。之前,我都重點講左電量與影相嘅體驗,相信大家都記得,唔記得,Click 番 Link 就可以!今次想同大家分享一下,初初玩 X Performance 個陣,我都有擔心過五吋屏幕,會唔會太細,尤其我上一部係 5.5 芒嘅 Z5 Premium! 但七日試用過後,原來五吋芒嘅方便,都會令人用得好暢快。大芒與細芒,原來只係習慣與實際需要的取捨,識用嘅話,大細芒一樣好好用。

    Sony Xperia X Performance 七天體驗  五吋芒方便又手感好

    001 :  褲袋感一流,唔會「拱」起一舊
    熊大覺得,手機的「攜帶性」好重要,對於女士來說,因為手一般相對較細,5 吋手機顯得更容易上手攜帶;而對於男士來說,當手機唔用的時候,好多時候都會將手機放入褲袋。就算一個經常機不離手的人如熊大,都總會有我收埋電話的時候,例如上星期熊大同朋友去睇戲,入到戲院,就好自然地將手機收番入褲袋。呢個時候,我又記得平時如果我用大芒機的話,當我將手機放入褲袋時,會感覺到下半身,亦即係大脾部份脹起一舊,俾人見到唔好睇之外,而且頂住自己仲會覺得有點兒唔舒服添! 而我發現,5 吋手機 Xperia X Performance,即使係放入褲袋,亦都唔會有明顯的「拱」起。

    Sony Xperia X Performance 七天體驗  五吋芒方便又手感好
    ▲ 手機放入褲袋更容易之餘,放左入去仲唔會話「拱」起一大舊。

    002 單手操作 覆 Message 最快
    大家仲記唔記得,前排咪成日「落狗屎」,整天也下大雨? 對於我呢個機不離手嘅人,本來都幾慘。一手擔遮,另一隻手都好難玩到手機。不過,X Performance 本身係防水,落雨已經無有怕,最好係五吋芒大細剛剛好,單手打字兼回覆 FB Messenger /WhatsApp 之後, 中可以用指頭按左上角嘅「上一頁」!  我腦海裡忽然「叮」左一聲:咦! 又真係同之前用開大芒手機,好大分別喎! 以往用大芒機,單手 Close App 或返回前頁是相當的吃力,而家用 Xperia X Performance,就無呢個煩惱,可以輕輕鬆鬆咁「一手掌握」,按屏幕甚麼位置都無難度。

    Sony Xperia X Performance 七天體驗  五吋芒方便又手感好  Sony Xperia X Performance 七天體驗  五吋芒方便又手感好
    ▲ 用 Facebook Messenger 同朋友傾完偈之後,按左上角的「上一頁」鍵,Sony Xperia X Performance (左) 的 5 吋芒會相對其他大芒機易按好多。

    003 隨手拎起手機,即刻進行「快速啟動連拍攝」
    大家都知道,Sony 在 Xperia Z5 系列的時候,已經加入了 Quick Launch 的功能,能夠在屏幕關閉情況下,一鍵開啟相機。而 Sony 在 Xperia X 系列亦在 Quick Launch 功能上在走前一步,長按實體快門鍵,由閉屏到開啟相機連埋拍攝,只需 0.6 秒,速度相當之快。熊大早就試用 Xperia X Performance 做過 Quick Launch and Capture 的測試,全部相片都只需單手,即可完成拍攝,這點都歸功於 Xperia X Performance 的 5 吋大小。當然,Sony 手機係獨家具備實體快門鍵的,所以同其他手機基本上係沒有可比性的。然而,熊大試過拎起某品牌一部 6 吋屏幕,做番「Sony 手機快速啟動連拍攝」的同樣動作,發現手感真係無 Xperia X Performance 咁舒服。簡單來說,我認為 5 吋手機,拎得穩啲之餘,而且影相時更可以降低手震。

    Sony Xperia X Performance 七天體驗  五吋芒方便又手感好  Sony Xperia X Performance 七天體驗  五吋芒方便又手感好
    ▲ 左圖為 Sony Xperia X Performance 按下實體快門鍵,從圖中可以見到,手機的右下角剛剛好能夠被手掌托着,拎上手更為舒服、穩定。至於右圖,熊大比較過,如果用其他大芒手機 (如某品牌的 6 吋手機),做番 Sony 按實體快門鍵的動作,可能熊大手細,會發現好似拎得好辛苦咁,啲手指都硬哂軚。

    004:  做夢都能「拿捏在手」,搭車訓覺唔驚跌爆芒
    香港人生活緊張,工作壓力大,相信不單止熊大,不少人上班下班搭車之餘,有得坐的話間唔中都會篤下手機,但篤下篤下有時會想恰陣休息一下。而有好多朋友仔都會同熊大一樣,電話都未收番埋,就訓左。我記得,之前我用大芒機時,不時都會遇到咁嘅情況:訓下訓下,手一鬆,電話跌左落地......好在無爆芒,但邊框花左,好心痛。而熊大用左呢部 Xperia X Performance 一個星期,如常咁番工搭巴士,手拎住手機訓覺,我發現如果用 5 吋手機的話,搭車即使拎住黎訓,都無咁容易會跌,相對地會揸得實啲,誇張講句,發緊夢都能將手機「拿捏在手」,減低訓訓下手機跌爆芒的機會。

    Sony Xperia X Performance 七天體驗  五吋芒方便又手感好
    ▲ 就算搭車訓覺,相對大芒手機,Sony Xperia X Performance 都唔會咁容易因為鬆手而跌落地下,減低跌花手機或者跌爆芒的機會。

    小結
    熊大大芒、細芒手機都用過。5.5 吋以上嘅大芒機,的確睇片、睇相、睇網頁係舒服 D。但五吋芒機其實大細都不差,加上手握感比大芒機為好,Xperia X 系列,包括 X、X Performance 及 XA 也用五吋芒,也是很有道理呀!

    資料由客戶提供

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia X Performance
    • 現時售價: 已下市
    • 尺寸: 143.7 x 70.4 x 8.7 mm / 164 g
    • 電池: 2700 mAh
    • 插卡: microSD
    • 螢幕: 1920 x 1080、 5 吋 IPS TFT
    • 相機: 2300 萬像素CMOS
    • 顏色: 黑/銀/黃綠/粉
    • 時間: N/A
    • 上市: 2016-06-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔