• 那些年回憶返晒嚟!街霸打車場面重現
    那些年回憶返晒嚟!街霸打車場面重現
    有返咁上下年紀嘅遊戲迷,對《街頭霸王》應該唔會陌生,想當年版主冇乜零用錢,只可以企喺側邊睇住人玩。估唔到今時今日 Toyota 竟然會同 Capcom 合作,用《街霸》宣傳新車 C-HR SUV,廣告不但用上《街霸》的遊戲畫面,仲有一班主角同新車互動。跳轉睇片!
    繼續閱讀
    • 2017-02-19
    • 暱稱:虎仔
    • 文章分類:搞笑影片
    • 閱讀 3485 次
    • 1篇討論
  • Office 內打一人邊爐,應該冇香港人會做得出吧
    Office 內打一人邊爐,應該冇香港人會做得出吧
    版主做暑期工時曾經試過,跟同 Team 嘅師兄師姐們喺會議室打邊爐,雖然未至於整響煙霧警報器,不過就引來了公司祕書篤背脊。諗返轉頭,開工時打邊爐又真係好過份嘅。一班人喺公司打邊爐過份,都不及用公司蒸餾水機打一人邊爐就更加過份。相信冇乜香港人會咁樣做囉,跳轉睇下邊個咁大膽?
    繼續閱讀
    • 2017-02-19
    • 暱稱:虎仔
    • 文章分類:搞笑影片
    • 閱讀 4498 次
    • 1篇討論
  • 黃阿瑪講你知,愛貓唔一定能夠養貓
    黃阿瑪講你知,愛貓唔一定能夠養貓
    好多人去到貓 Cafe,或者去探完有養貓嘅朋友,都希望自己養返隻貓。因為貓咪賣萌的確非常可愛,如果你認為自己愛貓,但從來未養過貓,由台灣紅到香港嘅黃阿瑪想話你知,原來要養貓並唔係想像中,唔信?跳轉睇片。
    繼續閱讀
    • 2017-02-18
    • 暱稱:虎仔
    • 文章分類:搞笑影片
    • 閱讀 3162 次
    • 1篇討論
  • 將 JJ 浸碳酸水鍛煉性能力係咩玩法
    將 JJ 浸碳酸水鍛煉性能力係咩玩法
    日本超市有唔少碳酸飲品銷售,去日本旅行應該都飲過唔少。有一位 YouTuber 睇到網上一張教人用碳酸水沖洗 JJ,宣稱能夠訓練 JJ 習慣刺激,從而增強性能力,於是佢就嘗試喺鏡頭面前進行更勁嘅測試,就係將 JJ 浸入 7-11 出售嘅碳酸水。結果係點?跳轉睇片(直接跳去 2 分 40 秒)。
    繼續閱讀
    • 2017-02-18
    • 暱稱:虎仔
    • 文章分類:搞笑影片
    • 閱讀 5462 次
    • 1篇討論
  • 放飛機都要學?仲要係哈佛大學教學短片
    放飛機都要學?仲要係哈佛大學教學短片
    成日應承咗人出席然後又放飛機甩底,呢啲人真係好乞人憎。放飛機相信係繼借錢唔還,撬牆腳之後,朋友間最討厭嘅行為。偏偏哈佛大學最近拍咗條片,教人點樣放飛機,要學識放飛機,首先要學識摺飛機,佢哋搵咗喺 2012 年破世界紀錄嘅摺飛機高手 John Collins 教路,跳轉睇片學嘢啦!
    繼續閱讀
    • 2017-02-17
    • 暱稱:虎仔
    • 文章分類:搞笑影片
    • 閱讀 2315 次
    • 1篇討論
  • 好可愛!囡囡帶埋爸爸學芭蕾
    好可愛!囡囡帶埋爸爸學芭蕾
    前幾日情人節,美國費城一間舞蹈中心搞咗個活動,唔係幫單身男女搵舞伴,亦唔係教情侶跳舞調情,而係邀請咗一班學員嘅爸爸,陪佢哋嘅囝囝囡囡一齊上芭蕾舞班。一班爸爸唔係坐喺度玩手機等時間過,接放學咁簡單,而係需要同囝囝囡囡一齊跳,佢哋做乜嘢動作,爸爸都要跟住做。想知道呢班爸爸對住上一世情人表現係點?跳轉睇片。
    繼續閱讀
    • 2017-02-17
    • 暱稱:虎仔
    • 文章分類:搞笑影片
    • 閱讀 1554 次
    • 1篇討論
  • 泰國廣告好勵志!借錢俾你為你好
    泰國廣告好勵志!借錢俾你為你好
    今個農曆新年,除非你完全唔睇電視,否則聽到最多嘅唔係「恭喜發財」,而係「借錢梗要還,咪俾錢中介」。香港嘅財務公司借錢廣告,經常鼓勵你消費,唔係 Shopping 就係去旅行追星,泰國嘅財務公司就唔同啦,拍一條 3 分鐘嘅廣告片,就係為咗話俾客人知,借錢俾你之後,希望你好好做人,唔好再返轉頭幫襯。跳轉睇片!
    繼續閱讀
    • 2017-02-17
    • 暱稱:虎仔
    • 文章分類:搞笑影片
    • 閱讀 2370 次
    • 1篇討論
  • 咁都 Cosplay!真人版垃圾鴿,條腰幾時斷?
    咁都 Cosplay!真人版垃圾鴿,條腰幾時斷?
    最近 Facebook 勁洗版嘅「Trash Doves」垃圾鴿,你可能唔鐘意,覺得好煩好討厭,偏偏網民勁 Like,最近仲吸引到台灣網民 Cosplay 添!要點樣先可以將 Facebook Emoticon 還原?原理好簡單只需要一件紫色衛衣、橙色鴨嘴帽、灰色短裙、黃色長襪同波鞋,然後再冒著拗斷腰嘅風險起勢前後搖。跳轉睇片啦!(如果你仲未睇厭呢隻鴿的話)
    繼續閱讀
    • 2017-02-16
    • 暱稱:虎仔
    • 文章分類:搞笑影片
    • 閱讀 5810 次
    • 1篇討論
  • 令人面紅耳熱的室內攀石
    令人面紅耳熱的室內攀石
    室內攀石原本係一項極高難度,挑戰體力和耐力嘅運動,透過用手腳勾住或踩住牆壁上的凹凸構造,然後爬上牆壁頂部。英國的性愛博物館內,就有一幅與別不同的室內攀石牆 Grope Mountain,上面佈滿唔同大小形狀嘅男女性器官模型,要攀爬上牆頂就要唔好怕醜。跳轉睇片。
    繼續閱讀
    • 2017-02-16
    • 暱稱:虎仔
    • 文章分類:搞笑影片
    • 閱讀 6151 次
    • 1篇討論
  • 奧巴馬唔做總統,可以做乜嘢?
    奧巴馬唔做總統,可以做乜嘢?
    最近有人將前任和現任美國總統奧巴馬和特朗普,打 Golf 時嘅裝扮作比較,奧巴馬又 Fit 又瀟灑,特朗普則凸出一個大肚腩。見到奧巴馬咁有型,有網民唔放過幫佢做「生涯規劃」,等佢卸任之後都有豐盛嘅生活。去做乜?咪就係變身籃球員加入 NBA 囉!唔信?跳轉睇片啦!
    繼續閱讀
    • 2017-02-15
    • 暱稱:虎仔
    • 文章分類:搞笑影片
    • 閱讀 1648 次
    • 1篇討論