人山人海的體驗日
LG 旗艦手機一向最能吸引香港網友嘅目光！點解，因為高性價比呀！所以今次 ePrice.HK 主辦嘅體驗日，反應十分熱烈，有超過二百位網友報名參加，而出席人數亦超越一百。我地先向不能出席網友講聲唔好意思，因為今次反應實在太好了。在此，我哋亦要多謝場地贊助嘅 csl，借出旺角 csl 旗艦店作為舉辦場地，令大家可以係最多手機店舖的地區，參加到 LG G5 嘅體驗日，齊齊試玩手機。
▲ 今次 LG G5 體驗日安排在晚上七點半舉行，人數之多，令入場前的登記也要大排長龍。
▲ 過一百人出席，證明 LG G5 很有叫作力。
▲ csl 與 LG 都派出了產品專家，為網友講解 LG G5 嘅不同功能。
▲ 今次 ePrice 亦特別送出一部 LG G5 作現場遊戲之用。
▲ 在聽完講解後，就係試機環節，不少網友都立即試玩新機。
LG G5 ＆ Friends 機能重點重溫
LG G5 是 LG 係 2016 嘅旗艦手機。點樣形容 LG G5 呢？我想起四個字：「破舊立新」。破舊是代表今次用上全新物料打造 G5，它具備 5.3吋顯示屏，並採用3D Arc Glass 微曲弧形玻璃設計，而全金屬鋁合金機身，亦是首次係 LG 旗艦 Android 手機中採用。「立新」代表好多新功能：攝影部份，LG G5 特別配置雙後置鏡頭設計，包括 78° 標準鏡頭，以及現時智能手機中最廣闊的 135° 超廣角鏡頭。 備有 aptX HD 24-bit Hi-Fi 無線音效，讓用家可隨時隨地享受接近原聲的音效。
▲ LG G5 有 4 款顏色，包括閃亮銀、鈦黑鋼、香檳金、冰晶粉。會係四月十五日上市。
▲ LG 專員用五點概括了 LG G5 有圖中嘅五大特點。
▲ LG G5 有兩個鏡頭，可提供超廣角 135 度拍攝。
▲ 標準鏡與超廣角鏡可一起使用，拍出更有趣嘅相片。
不得不提 LG G5 配備 LG Friends 模組及配件玩意！以模組模式，即係把 LG G5 手機下方，變為不同模組，增加不同功能。 其中包括 LG CAM Plus，呢個模式提供尤如相機般更舒適的手握感覺，並備有開關鍵、快門、攝錄、變焦轉盤及 LED 顯示燈等實體按鈕，讓網友於對焦時猶如傳統數碼相機般操作。除此之外，LG CAM Plus內置 1200mAh 的電池容量，讓用家拍攝及享樂的時間更長久。另一個模組叫 LG Hi-Fi Plus with B&O PLAY。它除了有 32-bit Hi-Fi DAC升頻技術 (Upsampling) 外，以及支援 32-bit 384KHz 高解析度音樂解碼。模組不單可在LG G5 上使用外，亦可以透過跟機嘅連接線，連接任何智能手機或個人電腦作獨立 Hi-Fi DAC 使用。
▲ 抽換式電池是 G5 重點之一。下方可更換不同模組。
▲ 抽換式電池是 G5 重點之一。
▲ 網友試玩 LG Cam Plus。
▲ 在體驗日，LG 亦帶來了 LG 360 VR。呢個係一副虛擬實境器，除了機身輕巧外, 連接亦非常方便, 以 USB 線連接G5，可模擬用家從 2 米外觀看 130吋 屏幕的視覺效果。
