【熱話齊傾】Galaxy S4 殺到!網友齊發問,聽日我地試!

Eddie | Samsung
等了一段日子 Samsung Galaxy S4 明日就會登陸香港了,大家又期唔期待呢?這部機從發佈開始就已經有不少話題,有人認為它的設計跟 Galaxy S3 太相似,感覺沒有驚喜;亦有人認為它的硬件規格吸引,獨有的 4 + 4 核心令人相當期待,有人大讚換電、插卡功能方便用家,亦有人嫌它的塑膠機身沒有質感。網友們,你又點睇呢部機呢?或者可以參考下版主們、 Android 達人 Sky 同埋網友 Eric 的睇法,然後分享下你地點睇啦!

【購機情報】Galaxy S4 預訂日期確認!推出 3G、 4G 雙版本
 

明日開始訂機 預計月底開售

之前版主 Eddie 都為大家報導過明天 4 月 18 號是 Samsung Galaxy S4 開始訂機的日子,今日版主亦收到電訊商來電,說明天或後天可以到門市落訂,不過仍然未打探到詳細的月費資料和訂機優惠,相信明天過後各大電訊商都會推出相關的宣傳。另一方面版主今日到旺角的電器鋪打聽訂機資料,店員雖然未肯透露詳情,不過已經暗示內部已經有相關資料,叫版主明天再來問問。到貨日期仍然未有確切的日子,但不少傳聞都說會在 4 月底開售,係真唔係?過埋聽日發佈會就一清二楚了。

Samsung Galaxy S4 實機試(五):效能測試!解構八核之迷

網友點睇 Galaxy S4? 參考一下版主們、 Android 達人 Sky 和網友 Eric 的睇法吧
 

版主 Eddie 睇法:四核、八核唔緊要 相機銳利是強處

首先講講效能方面吧,其實之前都收到消息 Galaxy S4 會推出 3G 、4G 兩個版本,分別會用 Octa 4+4 核和 Qualcomm 四核心,之前在美國玩過的 Qualcomm 四核版本效能已經相當不錯,加上 2GB RAM ,流暢程度唔會差。理論上 4+4 核心的 3G 版本是會比較省電的,但既然內置了 2600 mAh 電池,又有換電功能,版主其實都對它的續航力有點期待。

另外 Samsung Galaxy S4 的 1300 萬像素鏡頭給我不錯的印像,在昏暗的會場拍攝出來的成像也有不錯的銳利度,也沒有太多的色彩雜訊,個人非常期待進行更詳細的測試,包括玩盡入面不同的濾鏡功能。
 

版主 Keith 睇法:Samsung 用家會升級 新功能需要更多關注

我認為這部機是會好賣的,因為香港有不少人用 Samsung Galaxy 系列的手機,這次 Galaxy S4 的硬件規格不錯,會吸引到唔少用家入手升級。不過 Galaxy S4 入面的新功能未必有好多用家會了解,以之前 Galaxy S3 既經驗,入面有些功能預設是關閉了的,如果唔花時間走入設定去開番佢,其實好多時都唔知道。

現在的 Android 平台彈性都好大, Google Play Store 入面的 Apps 又夠齊全,用家買新手機的時侯未必以功能主導,都以電量、處理器、相機、等基本功能為主,而 Samsung Galaxy S4 是可以換電、插卡的旗艦手機,相信唔少用家都會睇中呢一點。
 

Android 中文資訊網編輯 Sky Yee :功能不突出 預計價錢偏高

我認為 Galaxy S4 是一部會大賣既普通機, 功能唔太突出, 雖然部機其中一個賣點係有好多新功能, 不過大多都係為 Make Noise,實際使用上功能不大,而價錢方面我個人估計 Galaxy S4 16GB 會賣 $5,699 ,LTE 版本應該會再貴一點,接近 $6,000 的價錢,在旗艦機來說算是貴的價錢。明日既然會搞大型的發佈會,我反而期望 Samsung Galaxy Note 8.0 明日登陸香港。
 

網友 Eric Chan :外型沒驚喜 軟件小進步

今次 Galaxy S4 的外型「承繼」番之前的設計風格,這些小修小改令人感覺不到驚喜。而硬件方面是 Galaxy S4 的一個大賣點,而 8 核心對於我這種業餘玩家來說是相當新鮮的東西,對它的表現相當好奇。軟件方面,參考番之前的評測和發佈會的介紹,加上個人使用 Galaxy Note II 一段日子的感受,認為這些功能用途不大,不是吸引我的賣點。總體來說,對這部機沒什麼特別的期望,只有「又有新機」的感覺。

三星 Galaxy Note 8.0 實測! 大面打電話
▲Samsung Galaxy Note 8.0 明天亦會同場發佈,版主收到風係會推出 4G LTE 版本,咁佢就係香港第一部支援 4G 網絡的可通話平板了,大家期待嗎?又預計會賣幾多錢?
 

網友齊齊問 版主樣樣試!

大家睇完以上的分析,又有冇乜野意見呢?相信各位網友都對這部 Samsung Galaxy S4 有不同的睇法,無論係讚係彈都希望大家留言討論,又可以講講自己對呢部機的期望。另外聽日版主會在發佈會場進行第一手評測,之後亦有詳盡的評測連載,對於 Galaxy S4 網友們有乜想知呢?可以留言話比我地知,版主們會盡力為大家試到足架icon

另外, ePrice 亦會聯同 Samsung 舉辨 Galaxy S4 的體驗日,想親身感受這部機的功能?記得留意 ePrice 之後的消息啊,因為你知啦,名額有限,次次好快爆架!
廣告