【購機情報】HTC Butterfly s 割價平過 One! One Max 大鋪減價!

Eddie | HTC
傳聞中的 HTC M8 會唔會下個月出?大家都好期待呢部機,但係到而家都未有確切消息啊icon。上一代的 HTC 手機除了 HTC One 減價之外,大電量、可插卡的 HTC Butterfly s 最近官價亦減了很多,甚至比起 HTC One 更便宜!呢部原本賣價破六千既手機真係跌得咁厲害?版主即刻帶大家睇睇最新的購機情報!

//timgm.eprice.com.hk/hk/mobile/img/2014-01/15/169269/unrealandy_3_HTC-_b983d6770e2a3a3ee25e030daf4563f7.jpg
 

HTC Butterfly s 割價清貨!全線減價 $4,598 平過 HTC One !

記得上年呢個時間,網友都係度講 HTC 因為某些理由唔係香港推出 Butterfly ,令粉絲們大失所望。等待換來的除了全金屬機身的 HTC One 之外, 5 吋 FHD 屏幕 + 可插卡的 HTC Butterfly s ,可惜一開賣價格破 $6,000 ,亦實在離大家預計的價位太遠啦icon。估唔到開賣半年(對! Butterfly s 上年七月先賣)就已經平過 32GB 既 HTC One ,大鋪賣 $4,598 清貨!

HTC Butterfly s 和 HTC One 在規格上很接近,它採用了更大的 5 吋 FHD 的 SLCD 屏幕(可是版主認為與 HTC One 對比稍為偏黃)、 Qualcomm S600 1.9GHz 處理器 、 2GB RAM ,內置容量只有 16GB,不過可以外置插卡,相機同樣是 400 萬像素 UltraPixel 鏡頭配 210 萬像素前鏡頭, 3200mAh 的電量版主用過續航力很好,而紅色烤漆與 HTC One 的金屬機身比各有各味道,你會鐘意邊一部?

//timgm.eprice.com.hk/hk/mobile/img/2014-01/15/169269/unrealandy_3_HTC-_e5b138a7f40f47a47b75840e19a0021f.jpg
▲HTC Butterfly s 「面價」 $5,698 ,但實際的大鋪價減至 $4,598 (版主問過豐澤和衛訊也同價),不過送的 Micro-SD 有分 16GB 和 32GB ,大家可以問多幾間。

//timgm.eprice.com.hk/hk/mobile/img/2014-01/15/169269/unrealandy_3_HTC-_5062fa8ea3d0e129164c80d424b0ec3d.jpg
▲ HTC Butterfly s 在先達場內已經很少「全新貨」,而水貨和「行貨」的價錢都在 $3,680 ,可是貨量唔多。
 

HTC One Max 大鋪價減 $200! 先達場內「行貨」少!

在大約一星期之前版主跟大家報導過 HTC One Max 在先達場內的價錢,今日再睇過波幅唔大,水貨都係由 $4,500 起跳,然後行貨就賣 $5,100 ~ $5,300 ,不過大鋪終於肯減價啦!HTC One Max 在百老匯、衛訊最新的價錢是 $5,998 ,比起之前減了 $200 ,終於跌破 $6,000 啦!仲係用緊 Qualcomm S600 同 Galaxy Note 3 LTE 比的確係輸蝕少少既(不過上次都有網友留言話會選擇 One Max) ,我諗入手既原因都係金屬質感同埋 UltraPixel 鏡頸啦。

話說, HTC One Max 在先達場內未開盒的「行貨」量是比較少的,版主問過大鋪紅色的貨量亦是比較少,同價位亦有太多大屏幕的 S800 機款可以取代了,你地又點睇呢?留言分享一下意見吧!

//timgm.eprice.com.hk/hk/mobile/img/2014-01/15/169269/unrealandy_3_HTC-_9f9b7e0688ee027a34eb20fcce515d0e.jpg
▲HTC One Max 終於在大鋪減價了,可惜減幅只有 $200 。

在文章刊出的時侯, HTC One (32GB) 定價 $4,898 ,按此看詳細規格和最新賣價。
在文章刊出的時侯, HTC Butterfly s  定價 $4,598 ,按此看詳細規格和最新賣價。
在文章刊出的時侯, HTC One Max 定價 $5,998 ,按此看詳細規格和最新賣價。
廣告