【行場報價】$5,500 買到! HTC Butterfly s 再急跌幾百!

Eddie | HTC
蝴蝶銷情真係麻麻?幾日前版主 Eddie 先同大家報過 HTC Butterfly s 首賣趺破 $6,000 的消息,今日經過旺角先達廣場已經發現,這部機的價錢又跌了幾百,場內最平 $5,600 就可以買到它了。不過根據店員的消息,紅色的蝴蝶 s 仍然缺貨,不過場內部份店鋪已經有紅色 HTC One 賣了,大家又會點選擇呢?

//timgm.eprice.com.hk/hk/mobile/img/2013-07/22/52561/unrealandy_3_HTC-_773932fb8a27e24066441261e173d285.jpg
 

HTC Butterfly s 場內價 $5,580 起 紅色仍然缺貨

先達場內價真是瞬息萬變,上星期五 HTC Butterfly s 初賣的第一天,價錢趺破 $6,000 其實都反映這部機需要不太大,沒有像 HTC One 初賣被「炒起」的現像。過了幾天再看, 場內仍然不算太多鋪番貨,而唔少鋪亦在 $5,880 上面打了「交叉」,代表價錢可以一減再減。版主問過四、五間鋪, HTC Butterfly s 場內的價錢由 $5,500 到 $5,800 不等,全部都是行貨。不過問到最搶眼的紅色麻,店員都說要多等幾天了,畢竟這最最多人買的。(版主覺得白色都很好看icon

版主同日亦上過一些「樓上鋪」問價,他們帳面價都是跟官方的 $6,198 ,不過「現金價」跟先達一樣由 $5,500 起,比起定價的 $6,198 便宜差不多 $700 ,不過就沒有任何贈品了,買機定上台抵?可以睇番版主做的 HTC Butterfly s 上台格價表。

//timgm.eprice.com.hk/hk/mobile/img/2013-07/22/52561/unrealandy_3_HTC-_d19fcfd444774cef10b18146192b7972.jpg
▲紅色的 HTC Butterfly s 在先達場內仍然缺貨,店員話要等多一排先番貨,如果真心想要可能再等一下比較好,可能價錢亦會進一步下調啊icon
 

紅色 HTC One 到貨 三色同價

另外上個星期先達場內仍然未有紅色的 HTC One ,早兩日終於番貨了,場內價和銀、黑色機一樣,行貨是 $4,980 至 $5,100 左右,貨源都相當率定,不過這個價錢只比百老匯的 $5,498 便宜一點,而且百老匯可以做到信用卡免息分期+儲積分,相對而言場內價好似不太吸引。而水貨方面價錢大約在 $4,500 至 $4,700 之間,如果到先達買機的網友留意一下,場內亦有賣內地的雙卡版 HTC One ,雖然可以外置擴充記憶卡,不過就用不到 4G LTE 網絡了,緊記要問清楚啊。

//timgm.eprice.com.hk/hk/mobile/img/2013-07/22/52561/unrealandy_3_HTC-_a08bf21bbfb234539eb3daa077c3048c.jpg
▲紅色的 HTC One 亦已經到貨,有部份鋪會賣貴 $50 ,不過似乎不多人買紅色機。版主建議大家親身到門市睇清楚隻顏色,因為真機確實幾型仔的啊!
 

先達買機信唔過?網友齊討論

版主一直有留意網友留言,上星期有網友反映先達價錢唔足以同大鋪比較,因為「先達鋪信唔過」,亦有網友表示「都冇人去先達買機」,咁其實大家多去邊啲地方買機呢?大型連鎖店比如百老匯、豐澤?各式各樣用「現金價」賣平機的「樓上鋪」?去電訊商上台出機?定係鐘意去先達行場格價呢? 大家留言分享一下自己的買機經驗吧!icon

在文章刊出的時侯, HTC One (32GB )的定價是 $5,498 ,按此看詳細規格和最新賣價。
在文章刊出的時侯, HTC One (64GB )的定價是 $6,498 ,按此看詳細規格和最新賣價。
在文章刊出的時侯, HTC Butterfly s 的定價是 $6,198 ,按此看詳細規格和最新賣價。
廣告